15 qyrkúıek kúngi aýa raıy boljamy
NUR-SULTAN. QazAqparat – 15 qyrkúıek kúni Qazaqstannyń basym bóliginde aýa raıyn Karsk aımaqtarynan keletin tsıklon anyqtaıdy. Sonyń áserinen naızaǵaı, jańbyr, elimizdiń soltústik-batysynda qatty jańbyr kútiledi. Respýblıkanyń keı jerlerinde ekpindi jel, daýyl, burshaq boljanady. Túnde jáne tańǵy saǵattarda elimizdiń soltústik-batysynda jáne qıyr soltústiginde tuman kútiledi. Qazaqstannyń ońtústik-batysynda ǵana jaýyn-shashynsyz kún raıy saqtalady, dep habarlaıdy QazAqparat.
Atap aıtqanda, «Qazgıdromet» RMK málimetinshe, Qostanaı oblysynyń keı jerlerinde tuman, daýyl, burshaq kútiledi, jeldiń ekpini kúndiz 25 m/s kúsheıedi.
Aqmola, Soltústik Qazaqstan oblystarynda tańerteń jáne kúndiz keı jerlerde daýyl turyp, jeldiń kúshi 25 m/s deıin artýy múmkin, Burshaq jaýýy yqtımal. Soltústik Qazaqstan oblysynda túnde jáne tańerteń tuman kútiledi.
Qaraǵandy oblysynyń keı jerlerinde daýyl, burshaq, kúshi kúndiz 23 m/s deıin jetetin jel boljanady.
Aqtóbe oblysynyń keı jerlerinde daýyl turyp, jel 15-20 m/s kúsheıedi.
Qyzylorda oblysynda kúndiz jel 15-20, keı jerlerde 23 m/s kúsheıedi, keı jerlerde shańdy daýyl kútiledi.
Kúndiz Almaty, Túrkistan, Atyraý, Batys Qazaqstan, Shyǵys Qazaqstan oblystarynyń keı jerlerinde, Pavlodar oblysynyń batysynda jel 15-20 m/s artady.
Jambyl oblysynyń taýly aýdandarynda tańerteń jáne kúndiz daýyl kútiledi, burshaq jaýýy yqtımal, kúndiz keı jerlerde jel 15-20 m/s kúsheıedi.
Qyzylorda oblysynyń basym bóliginde, Qaraǵandy, Túrkistan oblystarynyń keı jerlerinde, Atyraý oblysynyń ońtústiginde, Almaty oblysynyń batysynda tótenshe órt qaýpi saqtalady.
