15 qytaılyq kompanııa Qazaqstandaǵy sý tasqynynan zardap shekkenderge 300 mln teńge jiberdi

ASTANA. KAZINFORM – Qazaqstandaǵy Qytaı kásipkerleriniń bas qaýymdastyǵy sý tasqyny saldaryn joıýǵa jáne tabıǵı apattan keıin qalpyna keltirý jumystaryna kómektesý úshin qarajat jınady.

Búgingi tańda qytaılyq kompanııalar jalpy somasy shamamen 300 mıllıon teńgege aqshalaı qarajat bóldi, sondaı-aq arnaıy tehnıka, Otyn jáne basqa da qajetti resýrstar túrinde gýmanıtarlyq kómek kórsetti, dep habarlady Kazakh inves UQ AQ.

«Máselen, «PetroChina International Kazakhstan»jáne onyń enshiles kásiporyndary 100 mıllıon teńgeden astam qarajat aýdardy. «JAC» avtokontserni «Allıýrmen» birlesip 100 mıllıon teńge, al «GEO-Jade Petroleum» Qytaı munaı - gaz korporatsııasynyń Qazaqstandyq fılıaly 70 mıllıon teńge bóldi. Qytaılyq «Sıan Aıtszıý»astyq kompanııasy «Soltústik Qazaqstan apattaryna kómek qoryna» 3 mıllıon teńgeden astam qarjy bóldi. Qytaı Ulttyq hımııalyq ınjenerlik korporatsııasy men «China Tianchen» kompanııasy sý tasqyny saldaryn joıýǵa birlesip qatysyp, 1,7 mıllıon teńge qaıyrymdylyq jasady. Qazaqstandyq «JXC» kompanııasy 1,8 mıllıon teńge somaǵa motor maıyn syıǵa tartty», - delingen habarlamada.

Nátıjesinde 15-ten astam qytaılyq kompanııa zardap shekken halyqqa kómek kórsetýge qatysty. Óz kezeginde qaýymdastyq ókilderi bul uıym sý tasqyny men qalpyna keltirý jumystaryna belsendi qatysý úshin qytaılyq kompanııalarmen tyǵyz jumys isteıtinin aıtty.