15 qyrkúıekten bastap búkil oqýshylar onlaın oqıdy degen aqparat jalǵan

ASTANA. KAZINFORM — Áleýmettik jelilerde 15 qyrkúıekten bastap balalar onlaınǵa kóshedi degen aqparat tarady. DSM sanıtarııalyq-epıdemıologııalyq baqylaý komıteti bul habardy joqqa shyǵardy. 

«Messendjerde taraǵan 15 qyrkúıekten bastap balalardy qashyqtan oqytýǵa jiberedi jáne mekemelerde betperde rejımi engiziledi degen aqparat shyndyqqa janaspaıdy» delingen habarlamada. 

Jyl saıyn epıdemııalyq maýsym kezeńinde profılaktıkalyq jáne epıdemııaǵa qarsy is-sharalardy ótkizýdi kózdeıtin QR Bas memlekettik sanıtarııa dárigeriniń qaýlysy bekitiledi.

Qaýlyǵa sáıkes, 15 qyrkúıekten tumaýǵa qarsy vaktsınatsııa bastalady. Betperde rejımi tek medıtsınalyq uıymdardyń qyzmetkerlerine engiziledi. 

Qaýlymen tolyǵyraq QR DSM sanıtarııalyq-epıdemıologııalyq baqylaý komıtetiniń saıtynda tanysýǵa bolady.

«Barlyq azamattardy resmı aqparat kózderindegi senimdi aqparatqa senýge shaqyramyz» dep eskertedi komıtetten.