15 qańtarda ońtústik óńirde qalyń qar jaýady
ASTANA. QazAqparat - Búgin atmosferalyq fronttardyń ótýine baılanysty Qazaqstan terrıtorııasynyń ońtústiginde jáne ońtústik shyǵysynda túnde qalyń qar jaýady. Keı jerlerinde burqasyn, tuman, kóktaıǵaq, jeldiń kúsheıýi kútiledi.
Bul týraly QR ІІM TJK baspasóz qyzmeti habarlaıdy.
Jambyl, Ońtústik Qazaqstan, Soltústik Qazaqstan oblystarynyń keı jerlerinde jeldiń kúsheıýi 15-20 m/s, burqasyn, tuman kútiledi, Jambyl, Ońtústik Qazaqstan oblystarynda kóktaıǵaq bolady.
Almaty oblysynyń keı jerlerinde tuman túsip, Jalańashkól aýdanynda jeldiń jyldamdyǵy 15-20 m/s-ǵa deıin kúsheıedi.
Aqmola, Qyzylorda oblystarynyń keı jerlerinde tuman túsip, jeldiń jyldamdyǵy 15-20 m/s-ǵa deıin jetedi.
Batys Qazaqstan, Atyraý, Aqtóbe, Qostanaı, Pavlodar, Shyǵys Qazaqstan, Qaraǵandy, Mańǵystaý oblystarynyń keı jerlerinde tuman kútiledi, Pavlodar oblysynyń keı jerlerinde kúndiz burqasyn bolady.
