15 eldiń qaýipsizdik keńesiniń keńesshileri Kıevke bardy

ASTANA. KAZINFORM – Ýkraına astanasyna kelissózder júrgizý úshin 15 memlekettiń (14 eýropalyq memlekettiń jáne Kanadanyń) dıplomatııalyq jáne qaýipsizdik keńesiniń ókilderi jınaldy. Sondaı-aq olardyń arasynda NATO men Eýropalyq keńes jáne Eýropalyq komıssııa ókilderi de bar, dep habarlaıdy Kazinform menshikti tilshisi.

AQSh ókilderi bolsa, jıynǵa onlaın baılanys arqyly qatyspaq.

Jıynǵa qatysýshylar AQSh pen Reseıdiń qatysýymen júrip jatqan Ýkraına qaýipsizdiginiń kepildigin talqyǵa salmaq.

- Kıevtegi konsýltatsııalar úsh kezeńnen turady. Birinshi blok – qujattarmen jumys, ekinshi blok – ekonomıkalyq damý kesheni boıynsha jumys, úshinshi blok áskerı-saıası jumystarǵa qatysty bolmaq, - dep málimdedi Ulttyq qaýipsizdik jáne qorǵanys keńesiniń hatshysy Rústem Ýmerov.

Ol jıyndardyń qaısysyna AQSh ókilderi qatysatynyn aıtty.

Rústem Ýmerov bıyl kelissózder beıbit kelisimmen aıaqtalady degen úmitte ekenin jetkizdi.

- Men 2026 jyl beıbitshilik jyly bolady degen úmittemin - dedi jáne kezdesýge qatysýshylardyń barlyǵyna Ýkraınaǵa kórsetken qoldaýy men kelissizderge qatysqany úshin alǵys aıtty.

Kezdesýdiń maqsaty - beıbit kelisim kesheni aıasynda qujattarǵa qol qoıý.

Sonymen qatar bas shtab bastyqtarymen qaýipsizdi kepildigi boıynsha kezdesý ótkizý josparlanǵan.

Osyǵan deıin Tramp Ýkraınadaǵy soǵysty toqtatý týraly kelisim aıaqtalýǵa jaqyn ekenin aıtqan bolatyn.