15 cáýirge arnalǵan aýa raıy boljamy
NUR-SULTAN. QazAqparat – Qazgıdromet 15 cáýirge arnalǵan aýa raıy boljamyn usynady, dep habaraıdy QazAqparat.
Áli de, respýblıkanyń basym bóligine antıtsıklon jotasy yqpal etýine baılanysty, jaýyn-shashynsyz aýa raıy saqtalynady. Tek respýblıkamyzdyń ońtústik jáne ońtústik batysynda atmosferalyq frontaldy bólikterdiń ótýine baılanysty keı jerlerde jańbyr jaýyp, naızaǵaı bolady. Keı jerlerde tuman, jeldiń kúsheıýi kútiledi, ońtústik jáne ońtústik-batysta jel shańdy daýyl soǵady.
Qyzylorda oblysynyń keı jerlerinde jel 15-20 m/s kúsheıip, shańdy daýyl kútiledi, kúndiz burshaq jaýýy yqtımal.
Jambyl, Túrkistan, Qaraǵandy, Shyǵys Qazaqstan oblystarynyń keı jerlerinde jeldiń jyldamdyǵy 15-20 m/s jetedi.
Jambyl oblysynda tuman bolady.
Kúndiz Atyraý, Batys Qazaqstan oblystarynyń keı jerlerinde jel 15-20 m/s jyldamdyqpen soǵady.
Qostanaı, Aqmola, Soltústik Qazaqstan, túnde Pavlodar, Mańǵystaý oblystarynyń keı jerlerinde tuman túsedi.
Kúndiz Almaty oblysynyń Alakól ózeniniń aýdandarynda 15-20 m/s jyldamdyqpen jel soǵýy múmkin.
