15 aqpanǵa deıin Ulttyq jobalardyń ádistemesi ázirlenedi

NUR-SULTAN. QazAqparat – Qazaqstanda 2021 jyldyń 15 aqpanyna deıin Ulttyq jobalar ádistemesi ázirlenedi. Bul týraly Strategııalyq josparlaý jáne reformalar agenttiginiń tóraǵasy Qaırat Kelimbetov aıtyp berdi, dep habarlaıdy QazAqparat tilshisi.

«Reformalar boıynsha Joǵary keńestiń tapsyrmalaryn oryndaý maqsatynda mynadaı negizgi kúnderdi bekitý usynylady. 2021 jylǵy 10 aqpanǵa deıin Úkimet bekitken Jalpyulttyq basymdyqtar, Ulttyq damý jospary, Memlekettik basqarý tujyrymdamasy týraly jarlyqtar QR Prezıdentiniń qol qoıýyna engiziledi Tujyrymdamany iske asyrýdyń tolyqqandy josparyn 2021 jylǵy 1 naýryzǵa deıin bekitken jón», - dedi Qaırat Kelimbetov búgingi Úkimet otyrysynda.

Agenttik basshysy 2021 jylǵy 1 naýryzǵa deıin ulttyq jobalar tizbesin Prezıdenttiń Jarlyǵymen bekitýdi, al jańa ulttyq jobalardy 2021 jylǵy 15 sáýirge deıin ázirleýdi usyndy. Sondaı-aq memlekettik baǵdarlamalardy ulttyq jobalarǵa kóshýi turǵysynan taldaý júrgizý usynyldy.

«Bul rette 15 aqpanǵa deıin Ulttyq jobalardyń ádistemesi ázirlenedi jáne 1 naýryzǵa deıin túsindirý semınarlary ótedi», - dep qorytyndylady Qaırat Kelimbetov.