15 aqpanda Qazaqstanda kún raıy qubylmaly bolady
NUR-SULTAN. QazAqparat - 15 aqpanǵa Qazaqstan aýmaǵyndaǵy sınoptıkalyq jaǵdaı men mańyzdy aýa raıy qubylysynyń boljamy jarııalandy, dep habarlaıdy QazAqparat «Qazgıdromet» RMK-ǵa silteme jasap.
«Qazaqstan Respýblıkasynyń basym bóliginde atmosferalyq frontaldy ýchaskelerdiń ótýimen aýa raıynyń turaqsyz sıpaty saqtalady, qar jaýady, respýblıkanyń soltústigi men shyǵysynda qalyń qar jaýýy múmkin. Respýblıkanyń keı jerlerinde tuman, burqasyn, jel kúsheıedi, ońtústikte, ońtústik-shyǵysta kóktaıǵaq kútiledi», - delingen sınoptıkterdiń habarlamasynda.
Oblystyń soltústiginde jáne Jambyl oblysynyń taýly aımaqtarynda tuman, kóktaıǵaq kútiledi, oblystyń ońtústik-batysynda jáne taýly aımaqtarda jel 15-20 m/s, ekpini 23-28 m/s kúsheıedi.
Pavlodar oblysynda, oblystyń soltústiginde – kúshti qarly boran, jeldiń jyldamdyǵy 15-20 m/s, kúndiz batysta, oblystyń ońtústiginde ekpini 23-28 m/s jel kútiledi.
Shyǵys Qazaqstan oblysynyń basym bóliginde burqasyn, jeldiń kúshi 15-20, oblystyń batysynda ekpini 23-28 m/s kútiledi.
Oblystyń soltústiginde, batysynda, Túrkistan oblysynyń taýly, taý bókterindegi aýdandarynda tuman, oblystyń soltústiginde, taýly aýdandarda kóktaıǵaq, taýly aýdandarda - 15-20 jel turady, ekpini 23 m/s jetedi.
Aqmola oblysynda boran soǵady, oblystyń soltústiginde, batysynda - tuman, túnde basym bóliginde, kúndiz oblystyń shyǵys jartysynda - jel 15-20, ekpini 23 m/s kúsheıedi.
Mańǵystaý, Batys Qazaqstan oblystarynyń soltústiginde, Aqtóbe oblysynyń ońtústik-batysynda tuman kútiledi. Qostanaı oblysynyń soltústiginde tuman túsedi, oblystyń ońtústiginde jeldiń jyldamdyǵy 15-20 m/s jetedi.
Qaraǵandy oblysynda túnde basym bóliginde, kúndiz soltústikte, oblystyń shyǵysynda burqasyn kútiledi, jel 15-20 m/s kúsheıedi, Qyzylorda oblysynyń ońtústiginde tuman túsedi, túnde soltústikte oblys ortalyǵynda jel 15-20 m/s kúsheıedi.
