15 aqpanda aýa raıy qubylmaly bolady
NUR-SULTAN. QazAqparat - Sınoptıkter 15 aqpanǵa arnalǵan aýa raıy boljamyn usynady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Atmosferalyq fronttardyń ótýine baılanysty respýblıkanyń basym bóliginde turaqsyz aýa raıy saqtalady. Eldiń soltústik bóliginde - qar, ońtústik jartysynda - jaýyn-shashyn jaýady. Tek respýblıkanyń shyǵysynda kún ashyq bolady. Keı jerlerde tuman, kóktaıǵaq, burqasyn bolyp, jel kúsheıedi.
Jambyl, Túrkistan oblystarynyń keı jerlerinde tuman, kóktaıǵaq kútiledi, jel 15-20, kúndiz ekpini 23-28 m/s kúsheıedi.
Qyzylorda oblysynyń keı jerlerinde tuman, kóktaıǵaq kútiledi, kúndiz keı jerlerde jel 15-20 m/s kúsheıedi.
Mańǵystaý oblysynyń keı jerlerinde tuman, túnde kóktaıǵaq kútiledi, kúndiz jel 15-20 m/s kúsheıedi.
Qostanaı, Soltústik Qazaqstan oblystarynyń keı jerlerinde tuman, jaıaý burqasyn kútiledi, kúndiz jel 15-20 m/s kúsheıedi, Soltústik Qazaqstan oblysynda kóktaıǵaq kútiledi.
Qaraǵandy oblysynyń keı jerlerinde jaıaý burqasyn, tuman kútiledi, jel 15-20 m/s kúsheıedi.
Shyǵys Qazaqstan oblysynyń keı jerlerinde jel 15-20 m/s kúsheıedi, túnde jáne tańerteń tuman kútiledi.
Almaty oblysynyń Jalańashkól aýdanynda jel 15-20 m/s kúsheıedi, túnde jáne tańerteń keı jerlerde tuman kútiledi.
Aqmola oblysynda túnde keı jerlerde jaıaý burqasyn kútiledi.
Aqtóbe, Pavlodar, túnde Batys Qazaqstan, Atyraý oblystarynyń keı jerlerinde tuman túsip, Atyraý oblysynda túnde keı jerlerde kóktaıǵaq bolady.
