15 aqpan - Keńes áskerleriniń Aýǵanstan jerinen shyǵarylǵan kúni
ASTANA. 15 aqpan. QazAqparat - Osydan 24 jyl buryn, naqty aıtqanda, 1989 jyldyń 15 aqpany kúni Keńes áskerleri (40-shy armııa jáne oǵan jiberilgen bólimsheler) Aýǵanstan aýmaǵynan shyǵaryldy.
1979 jyldyń 25 jeltoqsanynda KSRO Qorǵanys mınıstriniń bergen buıryǵymen Aýǵanstanǵa keńes áskerlerin kirgizýge sheshim shyǵaryldy. Osy oırandy on jyl boıyna Keńes Odaǵynan Aýǵan soǵysyna 500 myńnan astam azamat qatysyp, onyń 15 myńy opat boldy.
Al Qazaqstannan bul maıdanǵa 22 myńnan astam jaýynger tartyldy, onyń 889-y qazaǵa ushyrady, 30-ǵa jýyǵy habar-osharsyz joǵalyp ketti. Jáne de 3 myńnan astam qazaqstandyq Aýǵan soǵysynan múgedek bolyp oraldy.
