15 aqpan. Aýa raıy boljamy
NUR-SULTAN. QazAqparat – Qazgıdromet 15 aqpanǵa jasalǵan aýa raıy boljamyn usynady, dep habarlaıdy QazAqparat.
QR terrıtorııasynyń aýa raıynda kúrt ózgerister kútilmeıdi. Elimizdiń basym bóliginde joǵary qysym aýmaǵy jaýyn-shashynsyz aýa raıyn saqtasa, batys, soltústik-batys jáne soltústik aýdandaryna tsıklon jyrasy óz áserin saqtaıdy – jaýyn-shashyn (jańbyr, qar) jaýady, kóktaıǵaq, jaıaý burqasyn kútiledi. Respýblıka boıynsha keı jerlerde tuman, jeldiń kúsheıýi saqtalady.
Aqmola, Qostanaı oblystarynyń keı jerlerinde tuman, kóktaıǵaq, jaıaý burqasyn bolyp, 15-20 m/s jyldamdyqpen jel soǵady.
Soltústik Qazaqstan oblysynda keı jerlerde jaıaý burqasyn, kóktaıǵaq, basym bóliginde jeldiń 15-20, keı jerlerde ekpini 25 m/s kúsheıýi kútiledi. Aqtóbe, Batys Qazaqstan oblystarynda keı jerlerde tuman, jaıaý burqasyn, jeldiń jyldamdyǵy 15-20 m/s jetedi.
Almaty, Jambyl, Túrkistan, Qyzylorda, Mańǵystaý, Pavlodar, Qaraǵandy, Shyǵys Qazaqstan, túnde Atyraý oblystarynda keı jerlerde tuman, Pavlodar oblysynda – kóktaıǵaq, Almaty oblysynyń Jalańashkól aýdanynda jeldiń 17-22 m/s kúsheıýi, kúndiz Shyǵys Qazaqstan oblysynyń keı jerlerinde jeldiń 15-20 m/s kúsheıýi kútiledi.
