15,8 myń adam koronavırýstan emin jalǵastyrýda – mınıstrlik

NUR-SULTAN. QazAqparat – QR Densaýlyq saqtaý mınıstrligi 19 tamyz kúngi málimet boıynsha koronavırýstan emdelip jatqandardyń jaǵdaıy týraly aıtty, dep habarlaıdy QazAqparat.

«Qazirgi ýaqytta koronavırýs ınfektsııasynan 15 839 adam em qabyldaýdy jalǵastyrýda. Olardyń arasynda 71 bala bar. Statsıonarlarda 7 383 naýqas jatyr. 8 456 adam ambýlatorııalyq jaǵdaıda emdelýde.

Jalpy naýqastardyń arasynda 366 adamnyń jaǵdaıy nashar. Sonyń ishinde 90 naýqastyń jaǵdaıy asa aýyr dep baǵalanýda. 59 naýqas ókpeni jasandy jeldetý apparatyna qosylǵan», - dedi mınıstrlikten.