15-18 shilde aralyǵynda Qytaı Kompartııasy Ortalyq komıteti 20-shy shaqyrylymynyń 3-shi plenýmy ótedi
ASTANA. KAZINFORM - 15-18 shilde aralyǵynda Beıjińde Qytaı Kompartııasy Ortalyq komıteti 20-shy shaqyrylymynyń 3-shi plenýmy ótedi. Bul sheshim QKP OK Saıası bıýrosynyń beısenbi kúni ótken otyrysynda qabyldandy, dep jazady Sınhýa agenttigi.
QKP Ortalyq Komıtetiniń Bas hatshysy Sı Tszınpınniń tóraǵalyǵymen ótken májiliste QKP Ortalyq Komıtetiniń reformalardy odan ári jan-jaqty tereńdetý jáne Qytaıdyń jańarýyn ilgeriletý týraly sheshiminiń jobasyn aldaǵy plenýmnyń qaraýyna usyný týraly sheshim qabyldandy.
Sondaı-aq, jobada qytaılyq jańǵyrtýdy ilgeriletý kezinde týyndaǵan jańa problemalarǵa tereń taldaý júrgizilgeni, ǵylymı reformalardy odan ári tereńdetýdiń bas jospary tujyrymdalǵany atalyp ótti.
Qytaıdyń 2035 jylǵa deıin joǵary deńgeıli sotsıalıstik naryqtyq ekonomıka júıesin tolyǵymen quryp, memlekettik basqarý júıesi men áleýetin jańǵyrtý men sotsıalıstik jańǵyrtýdy júzege asyrýy týraly jalpy maqsat túsindirildi.
