15-18 qazan aralyǵynda Japonııada áıelder arasynda hokkeıden Azııa chempıonaty ótedi
ASTANA. KAZINFORM - 15-18 qazan aralyǵynda Japonııanyń Sapporo qalasynda áıelder arasynda hokkeıden Azııa chempıonaty ótedi, dep habarlaıdy QR Ulttyq olımpıada komıteti.
Jarysqa Qazaqstan, Japonııa, Qytaı jáne Ońtústik Koreıa quramalary qatysady. Týrnır aınalmaly júıe boıynsha ótip, ár komanda úsh kezdesý ótkizedi.
Qazaqstan quramasy 15 qazanda Japonııaǵa qarsy oınaıdy. Odan keıin 17 qazanda Qytaımen, 18 qazanda Ońtústik Koreıamen kezdesedi.
Osyǵan deıin Qazaqstan hokkeı quramasy 2027 jyly álem chempıonatyn qaı qalada ótkizetinin jazdyq.
