15-17 mamyrda eldiń soltústiginde aýa temperatýrasynyń tómendeýi kútiledi
ASTANA. 14 mamyr. QazAqparat - Qazaqstan Respýblıkasynyń Qorshaǵan ortany qorǵaý mınıstrligi «Qazgıdromet» RMK-nyń boljaýynsha,
15-17 mamyrda Qostanaı, Soltústik Qazaqstan, 16-17 mamyr kúnderi Aqmola, Pavlodar oblystarynda kúndiz aýa temperatýrasy 15-20 gradýsqa deıin tómendeıdi dep kútilýde, keı jerlerde 23 gradýsty kórsetedi.
Respýblıkanyń basym aýmaǵynda atmosferalyq aǵymdardyń ótýine baılanysty naızaǵaı oınap, jel kúsheıedi, respýblıkanyń soltústiginde aýa temperatýrasy tómendeıdi dep kútilýde.
Aqmola, Qostanaı, Shyǵys Qazaqstan, Ońtústik Qazaqstan, Qyzylorda, kúndiz Jambyl, Pavlodar, Qaraǵandy oblystarynyń jekelegen jerlerinde 15-20 m/s-qa deıin jel kúsheıedi dep kútilýde. Respýblıkanyń ońtústiginde, ońtústik-shyǵysy men shyǵysynda keı jerlerde joǵary órt qaýpi kútiledi.
Aldaǵy táýlikterde eldiń ońtústik, ońtústik-shyǵys jáne shyǵysynyń taýly ózenderinde sý deńgeıiniń aýytqýshylyǵy baıqalady dep kútilýde.
