146 myń salymshynyń ulttyq valıýtadaǵy depozıti qaıta rásimdeldi
ALMATY. QazAqparat - Qazaqstan bankteri jınaǵyn ulttyq valıýtada ustaǵan 146 000 salymshynyń depozıtine ótemaqy tóledi. Bul týraly QR Ulttyq bankiniń baspasóz qyzmeti habarlady.
Búginde depozıtterdi qaıta resimdeýge berilgen 129 000 salymshynyń ótinishi bankterdiń qaraýynda jatyr.
Aıta ketý kerek, QR Ulttyq banki erkin ózgermeli aıyrbastaý baǵamy rejimine ótýge baılanysty jeke tulǵalardyń ulttyq valıýtada (teńgede) ashylǵan depozıtteri boıynsha ótemaqy tóleý tártibin bekitken bolatyn.
Qujatqa sáıkes ótemaqy salymshynyń 2015 jylǵy 18 tamyzdaǵy operatsııalyq kúnniń sońynda teńgemen ashylǵan depozıti bolǵan jaǵdaıda ǵana tólenedi. Bul rette depozıt boıynsha bank shotyndaǵy qaldyq 1 mıllıon teńgeden aspaýy tıis.
Keıinnen bankterdiń salymshylardan ótinishter qabyldaý merzimi 2015 jylǵy 1 jeltoqsanǵa deıin uzartyldy.
Osyǵan baılanysty Tártip sheńberinde ótemaqy alý úshin salymshylar 2015 jylǵy 1 jeltoqsanǵa deıingi merzimde depozıti bar bankke depozıtti qaıta resimdeý úshin ótinish berýi qajet.
