146 qyzmetker attestattaýdan ótýden bas tartty - QR Bas prokýratýrasy
«Qazaqstan Respýblıkasy quqyq qorǵaý organdarynyń qyzmetkerlerin kezekten tys attestattaýdan ótkizý týraly» Qazaqstan Respýblıkasy Prezıdentiniń 2012 jylǵy 8 sáýirdegi №292 Jarlyǵyna sáıkes prokýratýra organdarynyń 4 673 qyzmetkeri kezekten tys attestattaýdan ótýge tıis boldy. Olardyń ishinde jumystan shyǵýyna baılanysty 146 qyzmetker attestattaýdan ótýden bas tartty.
«Barlyq deńgeıdegi attestattaý komıssııalary 4 501 qyzmetkermen áńgimelesý júrgizdi, solardyń ishinde 4 088 qyzmetker nemese 91 paıyzy atqaratyn laýazymyna sáıkes keledi dep tanyldy. Prokýratýra organdarynyń attestattaýdan jaqsy ótken qyzmetkerleriniń ishinen 265 qyzmetker kadr rezervine engizýge nemese joǵary turǵan laýazymdarǵa taǵaıyndaýǵa usynyldy», - dedi resmı ókil.
Atqaratyn laýazymyna sáıkes kelmeıdi dep 413 qyzmetker nemese jeke quramnyń 9 paıyzy tanyldy. Sonyń ishinde, 216 qyzmetker laýazymyn tómendetýge, 89 qyzmetker - basqa qyzmetke (laýazymǵa) aýystyrýǵa, 108 qyzmetker nemese 2,5 paıyzy jumystan shyǵarýǵa usynyldy.
«Sondyqtan da, búgingi kúni osy ótkizilgen kezekten tys attestattaý óziniń basty maqsatyna - prokýratýra organdarynyń joǵary bilikti kadrlyq áleýetin qalyptastyrýǵa, óz atyna kir keltirgen, biliksiz qyzmetkerlerden arylýǵa, kadr saıasatyn sapaly túrde ózgertýge jáne qadaǵalaý organdaryna halyqtyń senimin arttyrýǵa jetti dep aıtýǵa bolady»,-dep atap ótti N. Súıindikov.
