145 myń elordalyq tolyq ımmýnızatsııalandy
NUR-SULTAN. QazAqparat – «145 myń elordalyq tolyq ımmýnızatsııalandy. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Tımýr Muratov aıtty, dep habarlaıdy QazAqparat tilshisi.
«Búginde ımmýnızatsııalandy 210 myńnan astam adam vaktsınanyń 1-komponentin aldy. 145 myńnan astam azamat tolyqtaı ımmýnızatsııalandy. Qazrgi ýaqytta qolymyzda birinshi komponenttiń 62 myńnan astam, ekinshi komponenttiń 48 myńnan astam qaldyq vaktsınasy bar. Halyqty vaktsınatsııamen qamtý úshin medıtsınalyq uıymdardaǵy egý pýnktteriniń sanyn 3 ese arttyrdyq. Olardyń jumys kestesi jeksenbi men mereke kúnderin qosa alǵanda tańǵy 8:00-den 22:00-ge deıin uzartyldy», - dedi ol.
Basqarma basshysynyń deriginshe, búgingi tańda elordalyqtarǵa vaktsınanyń 3 túri bar, atap aıtqanda, reseılik Sputnik-V, otandyq QazVac jáne qytaılyq CoronaVac vaktsınasy qoljetimdi.
«Sondaı-aq, halyqty vaktsınatsııalaýmen tolyqtaı qamtý úshin vaktsınatsııa pýnktteri 8 saýda-oıyn-saýyq ortalyqtarynda, atap aıttqanda Han-Shatyr, MegaSilkWay, Kerýen, Abý-Dabı Plaza, Azııa Park, SaryArqa, Evrazııa, Mechta dúkeninde ashyldy. Osy ýaqyt aralyǵynda saýda jáne oıyn-saýyq ortalyǵynda barlyǵy 40 myńǵa jýyq astam adam vaktsınatsııalandy»,- dedi Tımýr Muratov.
