144 jylda bir ret toılanatyn Kýmbh Mela kezinde ondaǵan úndistandyq qaıtys boldy

ASTANA. KAZINFORM - Úndistannyń Praıagradj qalasynda ótip jatqan Kýmbh Mela festıvalinde bolǵan adamdardyń qaqtyǵysynan 30-ǵa jýyq úndistandyq qaza taýyp, 90-ǵa jýyǵy jaraqat aldy, dep habarlaıdy Kazinform VVS-ge silteme jasap.

Ýttar-Pradeshtiń bas mınıstri Iogı Adıtıanath birneshe adamnyń aýyr jaraqat alǵanyn aıtty. 

Reuters agenttiginiń habarlaýynsha, 40-qa jýyq adamnyń denesi tóbeles bolǵan jerdiń janyndaǵy aýrýhana máıithanasyna jetkizilgen. 

Kýmbh Mela - hramdarǵa jappaı zııarat etý jáne ózenge shomylý rásimimen baılanysty ındýızm festıvali. Úndiler Kýmbh Melada shomylý olardy kúnálardan tazartyp, ómir men ólim tsıklinen bosatady dep senedi.

Atalǵan festıval álem boıynsha adamdardyń eń kóp bas qosatyn jınalysy sanalady jáne  ony ǵaryshtan kórýge bolady. Bıylǵy festıval Maha Kýmbh dep ataldy. Ol 144 jylda bir ret ótkiziledi, bul ony tabynýshylar úshin odan da mańyzdy etedi.

Oqıǵa jergilikti ýaqyt boıynsha túngi saǵat 1 men 2 aralyǵynda boldy, keıbir qulshylyq jasaýshylar Úndistannyń eń qasıetti ózeni Gang ıAmýna men mıftik Sarasvatı ózenimen túıisetin jeri Sangam Nosqa jetý úshin polıtsııa barrıkadalarynan sekirip ótpek boldy. 

Jergilikti ýaqyt boıynsha túske deıin 42 mıllıon qulshylyq etýshi Praıagrajda shomylý rásimin jasady. Jalpy festıval bastalǵannan beri 200 mıllıonǵa jýyq adam ózenge shomylǵan. 26 aqpanǵa deıin ózenge mıllıondaǵan adam keledi dep kútilip otyr. 

Premer-mınıstr Narendra Modı men federaldy mınıstrler, sonyń ishinde ishki ister mınıstri Amıt Shah atalǵan aıtýly is-sharada qurban bolǵandardyń týystaryna kóńil aıtty.