142 kirme temir joldy memleketke qaıtarý jumysy júrgizilip jatyr

ASTANA. QazAqparat – 25 kompanııaǵa tıesili 142 kirme temir joldy memleketke qaıtarý jumysy júrgizilip jatyr. Bul týraly Senat depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Búginde ekonomıkany monopolııadan aryltý jónindegi komıssııa aıasynda «TsTS» aktsıonerlik qoǵamyna tıesili 439 kirme jol memleket menshigine berildi. 25 kompanııaǵa tıesili 142 kirme jol anyqtaldy. Olarǵa qatysty tıisti jumys júrgizilip jatyr. Sonymen qatar Bas prokýratýra taǵy 49 kirme joldyń ıelerin anyqtaý baǵytynda jumys isteýde. Bul baǵyttaǵy jumys ekonomıkalyq maqsattylyq eskerile otyryp júrgiziletin bolady», - delingen Úkimet basshysynyń jaýabynda.

Buǵan deıin Premer-Mınıstr elimizdiń temir jol parkin jańartý úshin qandaı is-sharalar qabyldanatyny týraly málim etken edi.