1414 nómiri boıynsha tegin zańgerlik kómek alýǵa bolady - Ádilet mınıstrligi

ASTANA. QazAqparat – Biryńǵaı baılanys ortalyǵynyń bazasyndaǵy 1414 nómiri boıynsha memlekettik qyzmet kórsetý boıynsha ǵana emes, sonymen qatar bilikti mamandardan zań máselelerine qatysty da keńes beriledi. Bul týraly Ádilet mınıstrliginiń resmı ókili Talǵat Ýálı málimdedi, dep habarlaıdy QazAqparat.

Ádilet mınıstrligi halyqqa qolaıly jaǵdaı jasaý maqsatynda Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip, Digital Justice jobalar portfeli sheńberinde kezekti qyzmetti iske qosady.

Osylaısha, Biryńǵaı baılanys ortalyǵynyń bazasyndaǵy 1414 nómiri boıynsha konsýltatsııalyq kómek azamattarǵa memlekettik qyzmet kórsetý máseleleri boıynsha ǵana emes, sonymen qatar bilikti mamandardan zań máseleleri boıynsha da beriledi.

Qazaqstan boıynsha barlyq uıaly baılanys operatory jáne statsıonarlyq telefondar arqyly 1414 nómirine qońyraý shalý tegin.