1414 qyzmetiniń árbir 50-shi qońyraýyna jasandy ıntellekt jaýap beredi – vıtse-mınıstr
ASTANA. KAZINFORM – Jasandy ıntellekt jáne tsıfrlyq damý vıtse-mınıstri mindetin atqarýshy Rostıslav Konıashkın memlekettik qyzmetter salasyna jasandy ıntellektini engizý týraly tilshilerge suhbat berdi, dep habarlaıdy Kazinform tilshisi.
Onyń aıtýynsha, qazir tehnologııalar memlekettik qyzmetterdi alý protsesin jáne azamattardyń elektrondyq úkimetpen ózara is-qımylyn jeńildetýge múmkindik berip otyr.
– Qazirgi ýaqytta eGov mobile mobıldi qosymshasynda eGov AI chaty iske qosyldy. Búginde 1200 memlekettik qyzmet tsıfrlandyryldy, – dedi vıtse-mınıstr Astanada Digital Bridge 2025 halyqaralyq tehnologııalyq forýmynyń kýlýarynda.
Onyń aıtýynsha, mańyzdy baǵyttardyń biri – qyzmet alýshy azamattarmen ózara is-áreket bolyp otyr.
– Azamattar naqty qaı qyzmetti alý kerektigin bile bermeıdi. JI-konsýltant birinshi kezekte izdeý fýnktsııasyn atqarady, kómektesedi jáne osy memlekettik qyzmetti qalaı alýǵa bolatynyn túsindiredi, – dep túsindirdi R. Konıashkın.
Jaqsartýǵa tyrysatyn taǵy bir baǵyt – protsesterdi jedeldetý. Mysal retinde ol 1414 baılanys ortalyǵynyń jumysyn keltirdi.
– 1414 qyzmetinde árbir 50-shi qońyraýdy jasandy ıntellekt óńdeıdi. ıAǵnı JI-assıstent jaýap beredi, keńes beredi jáne belgili bir memlekettik qyzmet túrlerin kórsete alady. Osylaısha biz azamattarǵa memlekettik qyzmet kórsetýdegi ózara is-qımyl sapasyn arttyrýdy josparlap otyrmyz, – dep atap ótti sala vıtse-mınıstri.
Aıta keteıik, Astanada Digital Bridge 2025 halyqaralyq tehnologııalyq forýmy bastaldy. Memleket basshysy Qasym-Jomart Toqaev forýmnyń plenarlyq otyrysynda cóz sóıleıdi.
Jıynǵa Qazaqstanǵa resmı saparmen kelgen Majarstan Prezıdenti Tamash Shýıok qatysty.
Spıkerlerdiń qatarynda Telegram negizin qalaýshy jáne bas atqarýshy dırektory Pavel Dýrov, Sinovation Ventures jáne 01ai bas dırektory Lı Kaı Fý, Stenford ýnıversıtetiniń ǵylymı qyzmetkeri, Google sarapshysy Pıter Norvıg, G42 International kompanııasynyń bas dırektory Mansýr Ibragım Ál Mansýrı, Stenford ýnıversıtetiniń professory Ilıa Sterbýlaev jáne high-tech ındýstrııasynyń basqa da ókilderi bar.
Pavel Dýrov Alem.ai ǵımaratynda jasandy ıntellekt salasyndaǵy arnaıy zerthanasyn ashty.