1403 baılanys ortalyǵy bir aptada 12 myńnan astam ótinim qabyldady
ASTANA. KAZINFORM – 27 sáýir men 3 mamyr aralyǵynda 1403 baılanys ortalyǵy respýblıkalyq joldarǵa qatysty 12 myńnan astam ótinimdi óńdedi.
Apta ishinde júrgizýshiler negizinen kólik buzylǵan jaǵdaıda evakýatsııalaý, aqyly joldardaǵy tólem jáne basqa da ózekti máseleler boıynsha habarlasqan.
«QazAvtoJol» málimetinshe, azamattarǵa jedel ári qolaıly qyzmet kórsetý úshin ınteraktıvti daýystyq menıý (IVR) júıesi engizilgen. Sonyń nátıjesinde 774 ótinim avtomatty túrde óńdelse, operatorlar 10 863 qońyraýǵa jaýap bergen.
Sonymen qatar messendjerler arqyly 1 009 ótinim qabyldanǵan.
Eń kóp ótinim Aqmola, Qyzylorda jáne Túrkistan oblystarynan tirkelgen. Barlyq habarlamalar belgilengen reglamentke sáıkes ýaqtyly oryndalǵan.
Ulttyq kompanııa jol paıdalanýshylaryna birneshe baılanys arnasyn usynady. Atap aıtqanda, 1403 baılanys ortalyǵy, resmı ınternet-resýrs jáne messendjerler arqyly júginýge bolady.
Aıta keteıik, júrgizýshiler respýblıkalyq joldar boıynsha aqparatty táýlik boıy ala alady.
Buǵan deıin jol boıynda qyzmet kórsetetin 37 nysan ashylatyny habarlandy.
