140 súńgýir ıAntszy ózeninde sýǵa batqan kemeden ázirge 6 adamdy shyǵardy
ASTANA. QazAqparat - ıAntszy ózeninde sýǵa batyp ketken «Shyǵys juldyzy» kemesiniń jolaýshylaryn qutqarýǵa bir myńǵa jýyq qutqarýshylar men 54 kater jumyldyrylǵan.
Qytaılyq áskerı-teńiz kúshteri oqıǵa ornyna 140 súńgýirden qurylǵan komandany jiberdi.
Olar sýǵa batyp ketken kemede tiri qalǵan kem degende alty adamdy tapty. Qazirgi kezde adamdardy sýdan shyǵarý áreketteri bastaldy, dep habarlaıdy «Jenmın jıbao» gazeti.
Ázirge, qutqarylǵan 18 adam týraly belgili - olardyń kóbi jaǵaǵa deıin ózderi júzip keldi. Kemede bolǵan bes adamnyń qaza tapqany rastaldy, dep jazady «Medýza».
Qutqarý jumystaryn QHR Memlekettik Keńesiniń Premeri Lı Ketsıan basqaryp otyr.
Esterińizge sala keteıik, dúısenbi kúni Beıjiń ýaqyty boıynsha shamamen saǵat 21:30-da ıAntszy ózeninde Shyǵys Qytaıdyń Tszıansý provıntsııasynyń ákimshilik ortalyǵy Nankın qalasynan Chýntsınǵa (ońtústik-batys Qytaı) bara jatqan keme apatqa ushyrady. Onyń ishinde 458 adam bolǵan, sonyń ishinde 406 týrıst, týrıstik kompanııanyń 5 qyzmetkeri jáne ekıpajdyń 47 múshesi bolǵan. Oqıǵa aýa raıynyń qolaısyzdyǵynan, quıynnan bolǵan degen boljam aıtyldy.
