140 qazaqstandyq týrıst úshinshi kún Grýzııadan ushyp shyǵa almaı jatyr

ASTANA. QazAqparat - 140 qazaqstandyq týrıst úshinshi kún grýzııalyq Batýmıden úıge ushyp shyǵa almaı jatyr, dep habarlady 24.kz.

Charterlik tasymaldaýmen aınalysatyn avıakompanııanyń aqparaty boıynsha, reıstiń kidirýi yqtımal tehnıkalyq sebepterge baılanysty bolýy múmkin.

Kompanııanyń bas dırektory Aleksandr Beloborodovtyń aıtýynsha, áýe kemesin shyǵarýshy ony qurastyrýda qatelikterge jol bergen. Endi kompanııa óz esebinen jóndep, symdaryn aýystyryp, basqa da toraptaryn jónge keltirýde.

Qazir kompanııa jolaýshylardy tasyp jetkizetin ushaqty izdestirýde. Ázirge olardy qonaqúılerge ornalastyryp, tamaqpen qamtamasyz etken.