140 bal jınaǵan Shıara Qudaıbergenova qaı ýnıversıtetke tústi
ALMATY. QazAqparat - UBT-dan eń joǵarǵy 140 bal jınaǵan almatylyq boıjetken Shıara Qudaıbergenova qaı joǵary oqý ornynda bilim alatynyn aıtty, dep habarlaıdy QazAqparat tilshisi.
Almatylyq túlek Súleıman Demırel ýnıversıteti men L.Gýmılev atyndaǵy Eýrazııa ulttyq ýnıversıtetiniń memlekettik basqarý mamandyǵyn tańdaǵan eken.
«Negizi 4 oqý ornyn jazý kerek bolǵan. Men úsheýine Súleıman Demırel Ýnıversıtetin, bireýine Eýrazııa Ulttyq Ýnıversıtetin jazdym. SDÝ-da qarjy mamandyǵyn tańdadym. Al EUÝ-da memlekettik basqarý mamandyǵyna túskim keldi. Men negizi logıst bolǵym kelgen, biraq ol mamandyq qazir elektrondy túrde damyp jatyr eken. Men SDÝ-da qarjy mamandyǵyn tańdaǵan sebebim, 4 jylda xalyqaralyq 14 sertıfıkattyń 9-yn alyp shyǵamyn. Bul sertıfıkattar basqa JOO-da berilmeıdi eken. Al qarjygerlerge bul sertıfıkat aýadaı qajet. Sol úshin qarjy mamandyǵyn tańdadym», - dedi ol.
Shıaranyń aıtýynsha, ony bilim alýǵa ál-Farabı atyndaǵy Qazaq Ulttyq ýnıversıteti, Súleıman Demırel Ýnıversıteti, UIB, AlmaU jáne taǵy da basqa birqatar jekemenshik ýnıversıtetter shaqyrǵan.
«Biraq men SDÝ-dy tańdadym. Sebebi aldaǵy 4 jylda atalǵan ýnıversıtet meniń bilimimdi molaıtady dep senemin. Munda talap joǵary. Barlyq sabaq aǵylshyn tilinde bolady. Sol úshin aǵylshyn tili kýrsyna qatysyp júrmin», - dedi almatylyq túlek.
Aıta ketý kerek, respýblıka boıynsha UBT testileýden eń úzdik nátıje - 140 upaıǵa qol jetkizgen Qoja Ahmet ıAssaýı atyndaǵy №123 mektep-gımnazııanyń túlegi Shıara Qudaıbergenova Altyn belgi men úzdik attestatqa úmitker bolmaǵan.
