14 jyldan soń qaıta jandanǵan Kúlásh Baıseıitova baıqaýy máresine jetti
ALMATY. QazAqparat - Almatyda Kúlásh Baıseıitova atyndaǵy ІH respýblıkalyq vokalıster baıqaýy óz máresine jetti, dep habarlaıdy QazAqparat tilshisi.
14 jyldan beri toqtap qalǵan baıqaýdy qaıta jandandyrý ıdeıasyn Qazaqstan Tuńǵysh Prezıdenti qory qoldaǵan bolatyn. Eń alǵash ret bul baıqaý 1975 jyly shymyldyǵyn ashqan edi.
Eresekter tobynda bas júldeni Abaı atyndaǵy Memlekettik Opera jáne balet teatrynyń solısi Balýan Berkenov, kishi topta - Shymkent mýzykalyq kolledjiniń tárbıelenýshisi Nurqanat Tápıev jeńip aldy.
Uıymdastyrýshylar baıqaýdy jyl saıyn jalǵastyryp, halyqaralyq deńgeıge shyǵarmaq. Mýzykalyq baıqaý ónerdiń damýyna úles qosyp júrgen jastardyń atyn shyǵaryp, tanytýǵa baǵyttalǵan.
«Tuńǵysh Prezıdent qorynyń bastamasymen Kúlásh Baıseıitova atyndaǵy baıqaýdyń qaıta jandanýy - óner men mýzyka salasyndaǵy biregeı qubylys bolyp otyr. Kúlásh Jasynqyzynyń talantynyń aldynda bas ıe otyryp, bárin úlken jaýapkershilikpen atqarýǵa tyrystyq. Uıymdastyrý komıteti daıyndyq sharalaryn belsendi júrgizdi. Úmitkerlerdi 4 aı tańdadyq», - dedi QR eńbek sińirgen qaıratkeri, P.Chaıkovskıı atyndaǵy Almaty mýzykalyq kolledjiniń dırektory Birjan Hasanǵalıev.
