14 jylda 84 mln.-ǵa jýyq qazaqstandyq shet elde demaldy
ASTANA. QazAqparat - Qazaqstan týrızm ındýstrııasyn damytyp jatqan kóptegen eldiń týrıstik donory bolyp tabylady.
Bul týraly Feısbýktaǵy paraqshasynda QR Investıtsııa jáne damý mınıstrligi Týrızm ındýstrııasy departamentiniń dırektory Marat Iǵalı jazdy.
2001-2015 jyldary Qazaqstanǵa kelgen rezıdentter bolyp tabylmaıtyndar sany 59 489 294 adamdy qurady.
Óz kezeginde, 2001-2015 jyldary el aýmaǵynan shet elderde demalýǵa 83 771 998 qazaqstandyq shyqqan.
15 jyldaǵy jaǵymsyz aıyrma - 24 282 704 adam. Mundaı úrdistiń basty saldary el kapıtalynyń syrtqa ketýi bolyp tabylady. Sońǵy jyldary Qazaqstannan syrtqa shyqqan týrıster sany elge kelýshilerge qaraǵanda 1,5-2 ese asyp ketti jáne eldiń tólem balansynda týrıstik saldo únemi teris bolýda. 2015 jyly saldo mınýs 400 mıllıon dollarǵa jetti.
