14 jylda 1 jarym mıllıon otbasy baspanaly bolady
ASTANA. QazAqparat - 2017-2031 jyldar aralyǵynda Qazaqstanda 1 jarym mıllıon otbasy baspanaly bolady. Investıtsııalar jáne damý mınıstrligi Qurylys jəne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov málim etti, dep habarlaıdy QazAqparat.
«2017-2031 jyldar aralyǵynda 1 jarym mıllıon otbasyǵa úı salynady dep josparlap otyrmyz. Sonyń ishinde 600 myń jer úı, 972 myń páter salynbaq. Bıyl «Nurly jer» baǵdarlamasynyń aıasynda 10 mln sharshy metr baspana, ıaǵnı, 100 myńnan asa páter salynady. Osynyń ishide memleket qarajaty esebinen 1,3 mln sharshy metr, ıakı, 28 myń páter salynady»,-dep málim etti Ortalyq kommýnıkatsııalar qyzmetinde brıfıng ótkizgen Jaıymbetov.
Buǵan deıin habarlanyǵymyzdaı, Qazaqstanda endi áleýmettik jaǵdaıy nashar otbasylarǵa arnap satyp alý múmkindigi qarastyrylmaǵan arendalyq baspana salyna bastaıdy. Bul maqsatqa jyl saıyn 25 mlrd teńge bólinedi dep kózdelip otyr.
