14 jyl buryn joǵalyp ketken ózbekstandyq áıel Nur-Sultannan tabyldy
NUR-SULTAN. QazAqparat – Elorda aýmaǵynda polıııa qyzmetkerleri reıd sharalaryn júrgizý barysynda Ózbekstan Respýblıkasynyń 39 jastaǵy azamatshasyn tapty. Kórshi respýblıkada turatyn týysqandary ony 2008 jyldan beri izdep júrgen, dep habarlaıdy QazAqparat Nur-Sultan qalasynyń PD baspasóz qyzmetine silteme jasap.
Áıeldiń aıtýynsha, ol Almaty qalasyna aqsha tabýǵa kelgen. Sodan keıin uzaq ýaqyt boıy Shymkent pen Qyzylordada jumys istegen.
Aıtýynsha, qujattaryn joǵaltyp alyp, týystarymen baılanysqa shyǵa almaǵan.
Osy jyldar aralyǵynda áıel ártúrli jumys istegen. Úı qyzmetshisi, keńseler men dámhanalarda tazalyqshy bolǵan.
2021 jylǵy shildeden bastap Nur-Sultan qalasynda jaldamaly páterlerde turǵan.
Qazirgi ýaqytta kóshi-qon qyzmetiniń qyzmetkerleri Ózbekstan azamatshasyna ýaqytsha qujat jasap berdi.
Endi áıel bir aı ishinde Qazaqstannan esh kedergisiz shyǵyp, otanyna orala alady.
