14 jeltoqsanda ótetin mańyzdy oqıǵalarǵa sholý

ASTANA

Saǵat 10:00-de «Qazaqstan» OKZ-da «Týǵan jer! Týǵan Til! Týǵan el!» Qazaqstan Patrıottary Forýmy ótedi. Forýmnyń basty maqsaty Memleket basshysy N.Á. Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynda belgilengen ıdeıalardyń aıasyna patrıottyq kúshterdi biriktirý bolyp tabylady. Forým jumysyna Qazaqstannyń barlyq óńirlerinen 200-den astam delegattar qatysady dep kútilýde. Bular óz kásibiniń úzdik mamandary, Otan ıgiligine qaltqysyz qyzmet etip júrgendar, ıaǵnı dárigerler, áskerıler, órt sóndirýshiler, muǵalimder, sportshylar, mádenıet qaıratkerleri, jastar kóshbasshylary, bıznes pen qoǵamdyq uıymdardyń ókilderi.

Saǵat 11:00 kezinde «Nazarbaev Ortalyǵynda» Táýelsizdiktiń qurdastarymen kezdesý ótedi. Kezdesýdi «Nur Otan» partııasy «Birlik» fılıaly ótkizedi. Kezdesý Táýelsizdik jyldarynda jetken jetistiktermen, tájirıbemen, josparlarmen, oılarmen almasý maqsatynda ótkiziledi. Іs-shara barysynda Táýelsizdik qurdastarynyń elordanyń mereıtoılyq jylyna oraı «20 meıirimdi is» birlesken naýqanynyń bastalýy týraly el jastaryna arnalǵan úndeýi oqylady.

Saǵat 14:00-de QR Parlament Senatynyń kezekti jalpy otyrysy ótedi.

Saǵat 15:00-de Ortalyq kommýnıkatsııalar qyzmetinde shetelde júrgen azamattardy qorǵaý máselesine baılanysty Syrtqy ister mınıstrliginiń qyzmetine arnalǵan baspasóz máslıhaty uıymdastyrylady. Sonymen qatar SІM ókilderi «Smart Travel» mobıldik qosymshasyn tanystyryp, onyń basty maqsatyn túsindiredi.
Saǵat 15.00 -de «Silk Way Center» bıznes-ortalyǵynda QR Din isteri jáne azamattyq qoǵam mınıstrligi janyndaǵy Jastar uıymdaryn damytý jónindegi úılestirý keńesiniń otyrysy ótedi.

Saǵat 15:00 kezinde Beıbitshilik jáne kelisim saraıynda «Qazaqstannyń egemen memleket retinde qalyptasý jáne damý strategııasynyń» qabyldanýyna 25 jyl» taqyrybynda Qazaqstannyń dinı birlestik ókilderi jınalysynyń otyrysy ótedi.

Saǵat 15:00-de QR Ulttyq mýzeıinde Májilis depýtaty M. Áshimbaevtyń tóraǵalyǵymen «Qasıetti Qazaqstan» jobasyn júzege asyrý barysyn talqylaý boıynsha «Mıras» respýblıkalyq keńesiniń otyrysy ótedi.

ALMATY

Saǵat 10:00-de QR Ulttyq kitaphanasynda «Qazaq entsıklopedııasy» baspasynyń 50 jyldyq mereıtoıyna arnalǵan «Ult rýhyn jańǵyrtqan jarty ǵasyr» atty konferentsııa ótedi. Konferentsııa barysynda «Qazaq entsıklopedııasy» atty anyqtamalyq pen «Máńgilik el» atty fotoalbom jınaqtarynyń tusaýy kesiledi.
Saǵat 11:30 kezinde Almaty qalasynyń Óńirlik kommýnıkatsııalar qyzmetinde áleýmettik-ekonomıkalyq damý qorytyndysy jóninde baspasóz máslıhaty uıymdastyrylady. Sharaǵa Alataý aýdanynyń ákimi Shahmerden Ryspaev qatysady dep kútilýde.
Saǵat 15:00-de Almaty tarıhy mýzeıinde Túrikmen qoǵamdyq-mádenı ortalyǵynyń kórmesi ashylady. Bul sharaǵa qaladaǵy etnomádenı birlestikterdiń ókilderi, shyǵarmashylyq qaýym men qala turǵyndary qatysady dep kútilýde. Kórmege kelýshiler túrikmen mádenıetine tıesili kıim, mýzykalyq aspaptar jáne basqa da qundylyqtardy tamashalaı alady.

AQMOLA OBLYSY

14 jeltoqsan kúni saǵat 12:00-de Kókshetaýda Quqyq qorǵaý qyzmetiniń ortalyǵy ashylady.

AQTÓBE OBLYSY

Saǵat 11:00-de Aqtóbede Táýelsizdik kúni qarsańynda «Darý jaryǵy» oftolmologııalyq emhanasynyń ashylýy bolady.
Al saǵat 12:00 kezinde «Nurly jer» baǵdarlamasy boıynsha salynǵan páterler men kottedjderdiń kiltterin tabys etý rásimi ótedi.

OŃTÚSTІK QAZAQSTAN OBLYSY

Erteń saǵat 15:00-de Sh.Qaldaıaqov atyndaǵy oblystyq fılarmonııada Qazaqstan Respýblıkasynyń Táýelsizdik kúnine oraı QR Densaýlyq saktaý mınıstrliginiń jáne OQO ákiminiń gramotalarymen jyldyń úzdik medıtsına mamandary marapattalady.