14 jastaǵy palestınalyq qyz álemdegi eń jas stýdent atandy
ASTANA. 18 mamyr. QazAqparat - Álemdegi eń jas stýdent atanǵany úshin 14 jastaǵy palestınalyq qyzdyń esimi Gınnes rekordtar kitabyna endi. Bul jaıynda «Ýmma ınform» habar taratty. Ikbal Mahmýd ál-Asad Lıvanda týyp-ósken. Bala kezinen aıryqsha qabiletimen kózge túsken. Bir jasqa tolǵanda balabaqshany támamdady. Al tórt jasynda bastaýysh mektepti bitirdi. Jalpy orta mektep qabyrǵasynda tórt jyl oqyp, ony da merziminen buryn aıaqtady.
muslim.kz saıtynyń jazýynsha, Osydan birneshe jyl buryn oǵan álemdegi eń úzdik medıtsınalyq ýnıversıtetterdiń biri sanalatyn Katardaǵy Weill Cornell Medical College joǵarǵy oqý ornynda bilim alýǵa múmkindik beretin usynys aıtyldy. Ol kóp oılanyp-tolǵanyp jatpastan kelisimin bergen kórinedi.
Onyń bilimimen jáne tárbıesimen Katar ámirshisiniń áıeli ózi aınalysyp keledi. Onyń aıtýynsha, qyzdyń bolashaǵy jarqyn. Al daryndy qyzdyń ózi dáriger mamandyǵyn alǵan soń Palestınaǵa oralyp, halqyna qyzmet etýdi armandaıdy.
