14 jastaǵy qyrǵyzstandyq AQSh prezıdentiniń gramotasyna ıe boldy
ASTANA. QazAqparat - Qyrǵyzstandyq Beknazar Áliqulov AQSh-tyń úzdik 10% oqýshylary qataryna endi, dep habarlady KırTAG-qa oqýshynyń apasy, «Mır» memleketaralyq teleradıokompanııasy fılıalynyń dırektory Dınara Súımalıeva.
Onyń sózine qaraǵanda, 14 jastaǵy Beknazar alty jyl buryn januıasymen birge AQSh-qa ketken.
«Qazir ol 8 synypty bitirdi. Vaıomıng shtaty Sherıdan qalasyndaǵy mektepte oqıdy. GPA boıynsha 100 upaıdyń 100-in jıǵan ol AQSh-tyń úzdik 10% oqýshylarynyń qataryna engen», - dedi D. Súımalıeva.
Beknazar úzdik oqyǵandyǵy úshin AQSh prezıdenti Barak Obamanyń qoly qoıylǵan gramotaǵa ıe boldy. Oqýshy bolashaǵyn medıtsınamen baılanystyrýdy josparlap otyr.
Atap óteıik, AQSh-ta GPA (Grade Point Average) júıesi boıynsha oqý úlgeriminiń ortasha upaıy esepteledi.
