14 jastaǵy qazaqstandyq Eýropada úzdik jas tennısshi atandy
ASTANA. QazAqparat – Qazaqstandyq Zańǵar Nurlanuly Eýropa tennıs qaýymdastyǵynyń (Tennis Europe Tour) «Jyldyń úzdik sheteldik oıynshysy» atalymymen marapattaldy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, 14 jasar Zańǵar jyldy Eýropadaǵy úzdik 10 tennısshiniń qatarynda aıaqtady.
Bıyl Zańǵar Nurlanuly jekeleı jáne juptyq synda eki retten jarys jeńimpazy atandy. Oǵan qosa Frantsııadaǵy bedeldi týrnırdiń fınalyna deıin jetti.
«Atalǵan marapatty alǵanyma óte qýanyshtymyn. Jyl boıy jaqsy óner kórsetýge tyrysyp, ár dodaǵa bar kúshimdi saldym. Óz bapkerlerim men úlken qoldaý jasaǵan Qazaqstan tennıs federatsııasyna alǵysymdy aıtqym keledi. Aldaǵy jyly maǵan jasóspirimder arasyndaǵy ITF týrnırlerinde oınaýǵa týra keledi. Onda da namysty qoldan bermeımin», - dedi Zańǵar Nurlanuly.
Ótken jyly osy atalym boıynsha taǵy bir qazaqstandyq Zara Dárken úzdik shyqqan bolatyn.
Eske sala keteıik, budan buryn Elena Rybakınanyń «Altyn adam» syılyǵynyń laýreaty atanǵanyn jazǵan bolatynbyz.
