14 jastaǵy aqmolalyq bozbala erkin kúresten Qazaqstan chempıony atandy
KÓKShETAÝ. QazAqparat - Qaraǵandyda erkin kúresten 2004-2006 jyly týǵan jasóspirimder arasynda Qazaqstan chempıonaty aıaqtaldy. Onda elimizdiń barlyq óńirinen 600-den astam sportshy 13 salmaq sanatynda kúsh synasty, dep habarlaıdy QazAqparat Aqmola oblystyq deneshynyqtyrý jáne sport basqarmasyna silteme jasap.
Basqarmanyń baspasóz hatshysy Mahabbat Bolshınanyń aıtýynsha, Aqmola oblysy komandasynyń quramynda Kókshetaý, Stepnogor qalalarynyń, Bulandy, Býrabaı, Astrahan, Esil aýdandarynyń sportshylary synǵa túsken.
62 kg salmaqta №1 Olımpıada rezervteri arnaýly balalar-jasóspirimder sport mektebiniń 14 jastaǵy tárbıelenýshisi Erhan Beksultanov aldyna jan salmady. Osy salmaqtyń kúmis júldesin qyzdar arasynda stepnogorlyq Aqerke Ámireshova jeńip aldy. №1 sport mektebiniń taǵy bir tárbıelenýshisi Aıda Bekturova (66 kg) men «Batyr» BJK tárbıelenýshisi Reıhan Mahıaddınova (36 kg) qola medalmen shekteldi.
Jas sportshylardy Oljas Áshimov, Nursultan Tileýqabylov, Ádil Táshimov, Aıdar Shaıdýlın jáne Arystan Bulatovtar jattyqtyryp júr. Bapkerleriniń aıtýynsha, Erhan Beksultanov maýsym aıynda Býdapeshte ótetin Dúnıejúzilik mektep oıyndaryna joldama jeńip alǵan.
