14 jastaǵy qyzylordalyq aýrýhanada qaıtys boldy
QYZYLORDA. KAZINFORM – Qyzylordadaǵy balalar aýrýhanasynda jasóspirim qyz kóz jumdy.
14 jastaǵy qala turǵyny aıaqasty densaýlyǵy mazalap, medıtsınalyq uıymǵa jedel járdem kóligimen jetkizilgen. Ol jansaqtaý bóliminde esin jımastan baqılyq boldy.
Ókinishti jáıtke baılanysty tekserý sharalary bastaldy. Bul týraly oblystyq kópbeıindi balalar aýrýhanasynyń basshylyǵy málimdedi.
- Atalǵan másele boıynsha balanyń ata-anasy medıtsınalyq jáne farmatsevtıkalyq baqylaý komıtetine shaǵym túsirgen. Soǵan sáıkes qazirgi tańda zerdelep, tekserý jumysy júrgizilip jatyr, - delingen habarlamada
Nátıjesi qosymsha habarlanady.
Eske salaıyq, Shymkenttegi toıhanalardyń birinde daıashy bolyp jumys istegen 13 jastaǵy bala kóz jumdy.
