14 jastaǵy Ahmadı Maqanov Eýropada úzdik oıynshy atandy

ASTANA. KAZINFORM — 14 jastaǵy Ahmadı Maqanov 2025 jyldyń qorytyndysymen Eýropa tennıs qaýymdastyǵynyń (Tennis Europe Tour) «Úzdik sheteldik oıynshy» ataǵyna ıe boldy. A.Maqanov Eýropa odaǵyna kirmeıtin memleketter arasynan úzdik shyqty.

Qazaqstandyq jas tennısshi 2025 jyly joǵary kórsetkishterge qol jetkizdi. Sonyń nátıjesinde 16 jasqa deıingiler arasynda Eýropa tennıs qaýymdastyǵy reıtıngisinde jyldy 24-orynmen túıindedi. 

Bıylǵy maýsymda Ahmadı Stokgolmde 14 jasqa deıingiler arasynda dástúrli túrde Tennis Europe sýper sanaty boıynsha boıynsha ótetin Korol kýbogynda jekeleı synda aldyna jan salmady. Juptyq synda Avenıý kýbogy, Tım Esson jáne Brselav Oýpen jarystarynda chempıondyq ataqty jeńip aldy. Sondaı-aq jekeleı synda Tennis Europe dodasynda fınalǵa deıin jetti. Oǵan qosa Maıamıde ótken Eddie Herr International Junior Championship bedeldi jasóspirimder týrnıriniń jartylaı fınalyna shyqqan alǵashqy qazaqstandyq tennısshi atandy. 

Aqtóbe tennıs mektebiniń túlegi Ahmadı Maqanov Team Kazakhstan akademııasynda tirkelgen. Jeke bapkeri — Pavel Tsoı.

Atalǵan atalymdy 2021 jyly qazaqstandyqtardan Zara Dárken enshiledi. Bir jyldan keıin Zańǵar Nurlanuly daralandy. 2023 jyly Eva Korysheva men Danıel Tazabekovtiń mereıi ústem boldy. Al ótken jyl sońynda Ańsar Nıetqalıev marapattaldy.

Eske sala keteıik, budan buryn alǵash ret qazaq tennısshisiniń Maıamı týrnıriniń jartylaı fınalyna shyqqanyn jazǵan edik.