14 jasar tennısshi eresekter arasynda Qazaqstan chempıony atandy

ASTANA. QazAqparat – Elordada Qazaqstannyń qysqy chempıonaty máresine jetip, 14 jasar tennısshi eresekter arasynda el chempıony atandy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, áıelder arasynda astanalyqtar – 15-tegi Albına Kákenova men odan bir jas kishi Arıana Gogýlına bas júldeni sarapqa saldy.

Shırek fınaldan bastap Arıananyń kezdesýleri tartysty ótip, úsh setke sozyldy.

Fınal da solaı boldy. Birinshi partııada Albına 6:4 esebimen basym tústi. Odan keıin eki sette A. Gogýlına tarazy basyn aýdara bildi – 6:2, 6:2.

Osylaısha, Qazaqstan tennısi tarıhynda alǵash ret 14 jasar sportshy eresekter arasynda jeńimpaz atandy.

Qola júlde Aııa Myrzaqulovany 0:6, 6:3, 6:4 esebimen utqan Ádemi Amankeldige buıyrdy.

Erler arasynda Tımýr Máýlenov óz sporttyq jolynda birinshi ret el chempıony ataǵyna qol jetkizdi. Ol fınalda Aryslanbek Aıtqulovty jeńdi – 7:5, 6:3. Qola júldege Nıkıta Sıdorovty 6:4, 6:7 (8:10), 6:4 esebimen tize búktirgen Tımýr Habıbýlın ıe boldy.

Juptyq synda myna tennısshiler júldege ilikti.

Erler:

1. Artýr Haırýtdınov - Maksım Batıýtenko

2. Іlııas Maratuly - Vıacheslav Kaýfeld

3. Tımýr Habıbýlın - Aryslanbek Aıtqulov.

Áıelder:

1. Ýlıana Romanova - Polına Sleptsova

2. Marııa Sınıtsyna - Karına Jumajanova

3. Albına Kákenova - Aııa Myrzaqulova.

Eske sala keteıik, budan buryn tennısten Qazaqstan qysqy chempıonatynyń fınalısteri anyqtalǵanyn jazǵan bolatynbyz.

Sondaı-aq, Aleksandr Býblık Frantsııada Marsel týrnıriniń jartylaı fınalyna shyqty.