14 jasar Tatıana Prozorova aýyr atletıkadan eki dúrkin el chempıony atandy

ASTANA. KAZINFORM – Taldyqorǵan qalasynda aýyr atletıkadan erler men áıelder arasynda Qazaqstan chempıonatynda ekinshi jarys kúniniń nátıjeleri belgili boldy.

Sportty damytý dırektsııasynyń baspasóz qyzmetiniń habarlaýynsha, áıelder arasynda eki, erler arasynda bir salmaq dárejesinde jeńimpaz-júldegerler anyqtaldy.

Erler (61 kg):

1. Sergeı Chýev (Jetisý oblysy) - 264 kg (119+145),
2. Maqsat Qýantqan (Qyzylorda) – 260 kg (118+142),
3. Azamat Tólegen (Qyzylorda) – 255 kg (111+144).

Áıelder (55 kg):

1. ıÝlııa Troshkına (Aqmola) - 169 kg (78+91),
2. Regına Nıkıforova (Jetisý) – 149 kg (66+83),
3. Raýshan Súıinbek (Jambyl) – 144 kg (67+77).

(59 kg):

1. Ksenııa Prozorova (Almaty oblysy) – 190 kg (87+103),
2. Darıa Balabaıýk (Qaraǵandy) – 174 kg (78+96),
3. Valerııa Ivanova (Jetisý – 170 kg (80+90).

Almaty oblysynyń ókili, 14 jasar Tatıana Prozorova mamandar men jankúıerlerdiń nazaryn ózine aýdardy. Ol 9 aı ishinde eresekter arasynda eki dúrkin Qazaqstannyń absolıýtti chempıony boldy.

«Meniń jasym – 14-te. Aýyr atletıkamen aınalysqanyma 4 jyl boldy. Almaty oblysynda dúnıege kelip, osynda ómir súrip jatyrmyn. Aqpan aıynda Qostanaıda eresekter arasynda Qazaqstan chempıonatynda 55 kelige deıingi salmaqta synǵa tústim. Onda julqa kóterýden 80 kg, serpe kóterýden 95 kg kórsetkishpen absolıýtti jeńimpaz boldym. Bul joly bir salmaq joǵary kóterilsem de, maǵan teń keler eshkim bolmady. Azamat Nurýllaev pen Ámir Abatovtyń qol astynda jattyǵýdamyn. Nátıjege rejım men tártipti, tamaqtaný men jattyǵý úrdisin saqtaý esebinen jetýdemin. Bizde bári ýaqytpen. Qazirgi kezde jasóspirimder olımpıadasyna daıyndalýdamyn. Eń basty maqsatym – 2028 jyly Los-Andjeleste ótetin Olımpıada oıyndarynda Qazaqstan namysyn qorǵaý», - deıdi Tatıana Prozorova. 

Aıta keteıik, Qazaqstan chempıonaty 19 qarashada aıaqtalady.

Eske salsaq, budan buryn 13 jasar aýyr atlet Snejana Kashkarovanyń el birinshiliginde sensatsııa jasaǵanyn jazǵan edik.