14 jasar ógeı qyzyn zorlap, júkti qylǵan pavlodarlyq sottaldy

PAVLODAR. KAZINFORM — Pavlodar oblysy qylmystyq ister jónindegi mamandandyrylǵan aýdanaralyq sotynda ógeı qyzyn zorlaǵan Ts-ǵa úkim shyqty.  

Sottalýshyǵa Qylmystyq kodekstiń 120-baby 3-2 bólimi 3-tarmaǵymen aıyp taǵylǵan. 

Іstiń mán-jaıyn jarııa etý múmkin bolmaǵandyqtan oqıǵa jabyq sot otyrysynda qaraldy.

Ts. óz kinásin moıyndap, qatań jazalamaýdy surady.

Ts-nyń kinási óz moıyndaýymen, jábirlenýshiniń, kýálardyń sózimen, saraptama qorytyndysymen jáne sotta zerttelgen ózge de aıǵaqtarmen dáleldendi.

Qylmys asa aýyr qylmystar sanatyna jatady jáne tek bas bostandyǵynan aıyrý túrindegi jazany kózdeıdi.

Asa aýyr qylmystyń mán-jaıyn eskere otyryp Ts-ǵa 18 jylǵa bas bostandyǵynan aıyrý jazasy taǵaıyndaldy.

Sondaı-aq Ts.  pedagogıkalyq jáne kámeletke tolmaǵandarmen jumys isteıtin laýazym atqarý quqyǵynan ómir boıyna aıyryldy.

Úkim zańdy kúshine engen joq.