14 jasar qostanaılyqtyń ólimine ne sebep bolǵany anyqtaldy
QOSTANAI. QazAqparat - Qostanaı oblystyq tótenshe jaǵdaılar departamenti Qostanaıda 9-qabattan qulap, qaıtys bolǵan jasóspirimniń ólimine ne sebep bolǵanyn aıtty, dep habarlaıdy QazAqparat.
«Dıspetcher qyzmetine 25 tamyz kúni 12:30-da shamamen 11:45-te Altynsarın kóshesi, 131-úıdiń 9-qabatynan 2004 jyly týǵan jasóspirim qulap túskeni týraly habar kelip tústi. Ol ápkesimen janjaldasyp, terezeden sekirip ketken. Jasóspirim aýrýhanaǵa jatqyzarda qaıtys boldy», - deıdi TJD ókilderi.
Balanyń denesi sot-medıtsınalyq saraptamasyna jiberildi.
Eske sala keteıik, 25 tamyz kúni Qostanaıda 9-qabatty turǵyn úıdiń terezesinen qulaǵan 14 jastaǵy jasóspirimniń qaıtys bolǵany týraly habar taralǵan bolatyn. Jazataıym oqıǵany oblystyq balalar aýrýhanasynyń bas dárigeri Igor Belobrjıtskıı rastaǵan.
