14 jasar qazaqstandyq tennısshi ITF týrnırindegi alǵashqy kezdesýin ótkizdi

ASTANA. QazAqparat – Astanadaǵy Ulttyq tennıs ortalyǵynda ITF World Tennis Tour «BeeTV 40 Women's» týrnıriniń irikteý matchtary bastaldy, dep habarlaıdy QazAqparat tilshisi.

Jarystyń alǵashqy kúni qazaqstandyqtardan birinshi bolyp Dana Baıdáýlet shyqty.

Ol reseılik Anastasııa Gasanovamen (254 WTA) kezdesip, esep 0:6, 2:5 bolǵan kezde básekeni jalǵastyrýdan bas tartty.

Jýyrda eresekter arasynda Qazaqstan chempıony atanǵan 14 jasar Arıana Gogýlına ITF dodasyndaǵy bastapqy kezdesýin ótkizdi. Ol birden álemniń 272-raketkasy, tájirıbeli belarýs sportshysy ıÝlııa Gotovkoǵa tap keldi. Birinshi sette Gotovko basym tústi – 6:2. Ekinshi partııada esep 3:3 bolǵan mezette Gogýlınanyń breık jasaıtyndaı múmkindigi boldy. Alaıda sony júzege asyra almady – 3:6.

Sondaı-aq 15 jasar Albına Kákenova reseılik Ksenııa Laskýtovaǵa (509 WTA) ese jiberdi – 0:6, 0:6. Marııa Sınıtsyna reseılik Tatıana Prozorovaǵa (316 WTA) jol berdi – 2:6, 1:6. Al Janel Rústemova taǵy bir reseılik Ekaterına ıAshınadan (390 WTA) utylyp qaldy – 2:6, 3:6.

Degenmen negizgi týrnırde Qazaqstannan Jibek Qulambaeva, Gózal Aınıtdınova, Anna Danılına, Arýjan Saǵyndyqova óner kórsetedi.

Eske sala keteıik, budan buryn Novak Djokovıchtiń tennıs tarıhynda rekord ornatqanyn jazǵan bolatynbyz.

Sondaı-aq Aleksandr Býblık álemdik reıtıngte joǵary kóterildi.