14 jasar Geıten Mataratstso áleýmettik jelidegi eń tanymal akter atandy
ASTANA. QazAqparat - 14 jasar amerıkalyq Geıten Mataratstso áleýmettik jelidegi eń tanymal akter, al kanadalyq oryndaýshy jáne model Sheı Mıtchell ǵalamtordaǵy mereıli aktrısa atandy.
2016 jylǵy áleýmettik jelidegi jetistigi men belsendiligi úshin Shorty Awards syılyǵyn tabys etý rásimi keshe, jeksenbide Nıý-Iorkte ótti.
Áleýmettik jelidegi eń tanymal akter nomınatsııasyn jeńip alǵan 14 jastaǵy Geıten Mataratstso «Qýylǵandar» (Otverjennye) mıýzıklinde Gavrosh rólin sátti somdady. Qazylar alqasynyń baǵalaýy boıynsha, Mataratstso qatysqan "Netflıks" (Netflix) vıdeo-servısindegi «Oǵash zattar» telehıkaıasy úlken tabysqa ıe bolǵan.
Kanadalyq oryndaýshy jáne model Sheı Mıtchell ǵalamtordaǵy eń tabysty aktrısa atandy. Onyń «Súıkimdi aldaýshylar» ( Pretty Little Liars) telehıkaıasynyń aıaqtalýyna oraı óziniń jankúıerlerine arnap jasaǵan YouTube-taǵy joldaýy 2 mln qaralymnan asqan. Sonymen qatar, onyń YouTube-ta jarııalaıtyn aspazdyq sabaqtary úlken qyzyǵýshylyqqa ıe.
Al ǵalamtordaǵy eń tanymal janýar ataǵyn Krýzo atty ıt jeńip aldy. Onyń Kanadada turatyn ıeleri taksanyń ártúrli qyzyqty vıdeolaryn jarııalap turady. YouTube-taǵy Krýzonyń vıdeolary 44 mln qaralymdy quraıdy.
