14 tamyz kúni Qazaqstanda ótetin mańyzdy oqıǵalarǵa sholý
ASTANA. QazAqparat - «QazAqparat» halyqaralyq aqparat agenttigi 14 tamyz kúni elimizdiń aýmaǵynda ótetin mańyzdy oqıǵalarǵa sholý usynady.
ASTANA
8.30-da «Astananyń ońtústik-batysyn aralaý» atty baspasóz týry bastalady. Onyń negizgi maqsaty áýejaı aýdany, Qosshy jáne Ilnıka kentterindegi qurylys jumystary týraly halyqqa aqparat berý. Jýrnalıster Qazavtojol ortalyq apparatynyń ǵımaratynda jınalady.
10.00-de «Úkimet úıinde» Úkimettiń kezekti otyrysy bastalady. Kún tártibinde 2018 jyldyń 7 aıynyń respýblıkalyq bıýdjeti men «Bıznestiń jol kartasy-2020» bıznesti qoldaý men damytýdyń memlekettik baǵdarlamasyn iske asyrý qorytyndylary jáne aýyldyq eldi mekenderge keń jolaqty Internetke qoljetimdilikti qamtamasyz etý, 5G jáne data-ortalyqtardy damytý máseleleri talqylanady.
10.00-de Oqýshylar saraıynda «Rýhanı jańǵyrý» baǵdarlamasy boıynsha respýblıkalyq tamyz konferentsııasy bastalady.
AQMOLA OBLYSY
11.00-de Kókshetaý qalasyndaǵy Óńirlik kommýnıkatsııalar qyzmetinde Aqmola oblysy qurylys basqarmasy basshysynyń orynbasary Manaphan Qanseıtov jáne Aqmola oblysy qurylys basqarmasy basshysynyń qarjy máseleleri boıynsha orynbasary Elena Iskakovanyń qatysýymen «Qurylysqa jańa tehnologııalardy engizý týraly» taqyrybynda brıfıng ótedi.
ATYRAÝ OBLYSY
10.00-de «Jaıyq» stýdenttik sport kesheninde Atyraý oblysynyń iri et óndirisi kooperatsııasynyń qatysýshylary úshin «Neo Nomad» iskerlik oıyny ótkiziledi. Shara barysynda Aýyl sharýashylyǵy mınıstriniń birinshi orynbasary et mal sharýashylyǵyn damytý baǵdarlamasyn tanystyrady.
