14 shildede Astana Ballet Gala kontserti kórsetiledi
«Bizdiń teatrymyz – Qazaqstan óneriniń damýyna úlesin qosyp júrgen daryndy ártisterdiń, horeograftardyń, ustazdardyń óz kórkem oılaryn júzege asyratyn kıeli ordasy. Bizdiń negizgi maqsatymyz – kópshiliktiń kóńilinen shyǵatyn baǵdarlamany pash etý. Munda óner ataýlyǵa qushtarlyǵymyz, mahabbatymyz kórinis taýyp, ártisterimizdiń talantyna da kýá bola alasyz. Biz teatr ónerin súıer qaýymnyń kókeıinen shyǵý úshin ár detalge muqııat kóńil aýdaramyz. Mereıtoıymyzdy merekeleýge barshańyzdy shaqyramyz», – deıdi teatr dırektory Aleksandr Sovostıanov.
Merekelik kesh baǵdarlamasynyń aıasynda «Astana Balet» teatrynyń úzdik qoıylymdarynan, atap aıtqanda: «Korsar», «Spartak», «Karmen-sıýıta», «Mahabbat týraly ańyz» jáne taǵy basqa aıtýly klassıkalyq jáne neoklassıkalyq spektaklderinen, brazılııalyq horeograf Rıkardo Amaranteniń «Diversity», «Love Fear Loss», «A Fuego Lento» týyndylarynan, avtorlyq jáne ulttyq baletterden úzindiler kórip, , «Shyǵys rapsodııasy» jáne «Uly Dala murasy» kontserttik baǵdarlamasyna engen horeografııalyq mınıatıýralardy tamashalaı alasyz. Buǵan qosa, maestro Arman Orazǵalıevtyń jetekshiligindegi teatrdyń sımfonııalyq orkestriniń oryndaýyndaǵy kompozıtsııalardy tyńdaýǵa múmkindik bar.
«Teatrymyzdyń tarıhy – sońǵy on jyldaǵy otandyq horeografııa óneriniń damý jylnamasy. Mereıtoılyq Astana Ballet Gala baǵdarlamasy teatrymyz úshin mańyzy orasan baǵdarlama. Sebebi bul bizdiń biregeı ári ásem shyǵamrashylyǵymyzdyń úlgisi ispetti. Osy on jyl ishinde sahnalanǵan úzdik týyndylarymyzdan úzindiler kórsetip, kórermen qaýymǵa umytylmas emotsııa syılaýdy maqsat etip qoıdyq», – deıdi horeograf Aıgúl Tátı.
Astana Ballet Gala oryndaýshylyq tehnıka men mýzyka úılesim tapqan naǵyz óner týyndysy ekenin atap ótken jón.
«Bul baǵdarlama on jyldyq tájirıbemizdiń, barsha ártister, horeograftar, ustazdar, teatr qyzmetkerleriniń eren eńbegi men talantynyń kórinisi. Osy Gala baǵdarlamasy teatrymyzdyń beıne bir rýhanı murasy, alǵan asýymyzdyń aıqyn úlgisi ispetti. Osy baǵdarlamany daıyndaý barysynda bar qajyr-qaıratymyzdy, asyl ýaqytymyz ben kúsh-qýatymyzdy jumsadyq. Kórermen qaýymdy ǵajaıyp horeografııa men mýzykadan rýhanı lázzat alyp, óner keńistigine shomýǵa shaqyramyz. Mereıli teatr maýsymy bizdiń jeńisimizdiń, jetken jetistigimizdiń aıqyn kórinisi ǵoı. Qalyń kópshilikpen osy qýanyshymyzben bólispekshimiz», – dep túıindedi teatrdyń kórkemdik jetekshisi Nurlan Kanetov.
Іs-shara Qazaqstan Mádenıet jáne sport mınıstrliginiń qoldaýymen júzege asyrylady.
