14 shilde kúngi aýa raıy boljamy
NUR-SULTAN. QazAqparat –Respýblıkanyń basym bóligi áli de antıtsıklonyń áserinde bolǵandyqtan, 14 shilde kúni jaýyn-shashynsyz, ystyq aýa raıy saqtalady. Eldiń tek batysy men shyǵysynda naızaǵaı, jańbyr kútiledi. Keı jerlerde ekpindi jel soǵady. Ońtústikte jáne batysta shańdy daýyl turady, dep habarlaıdy QazAqparat.
«Qazgıdromet» RMK málimetinshe, Jambyl, Túrkistan, Qyzylorda, Mańǵystaý oblystarynyń keı jerlerinde shańdy daýyl kútiledi, jel 15-20 m/s kúsheıedi.
Atyraý, Batys Qazaqstan oblystarynda jeldiń kúshi 15-20 m/s artady. Atyraý oblysynda shańdy daýyl turady.
Qaraǵandy, Shyǵys Qazaqstan oblystarynda, kúndiz Aqmola, Pavlodar, Almaty, Aqtóbe, Qostanaı oblystarynyń keı jerlerinde jel 15-20 m/s kúsheıedi.
Kúndiz Qyzylorda oblysynda, Mańǵystaý, Aqmola, Qostanaı, Soltústik Qazaqstan oblystarynda, Qaraǵandy oblysynyń ońtústiginde qatty ystyq kútiledi. Atyraý, Batys Qazaqstan, Aqtóbe oblystarynda - qatty, ońtústikte óte qatty ystyq kútiledi.
Atyraý oblysynda, Qyzylorda, Qaraǵandy, Túrkistan, Jambyl, Almaty oblystarynyń keı jerlerinde, Aqtóbe, Batys Qazaqstan oblystarynyń ońtústiginde joǵary órt qaýpi saqtalady.
