14 sáýir. Tulǵalar týǵan kún
Búgin, 14 sáýir kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
59 jyl buryn (1967) Qazaqstan Respýblıkasy Qorǵanys mınıstriniń orynbasary — Qarýly Kúshteri Áýe qorǵanysy kúshteriniń bas qolbasshysy Qaırat Ánýarbekuly SADYQOV dúnıege keldi.
Shyǵys Qazaqstan oblysy Zaısan qalasynda týǵan. 1988 jyly Orynbor joǵary zenıttik zymyran komandalyq ýchılışesin bitirdi. 2010 jyly Ulttyq qorǵanys ýnıversıtetiniń joǵary akademııalyq kýrstarynan ótti. 2013 jyly «Quqyqtaný» mamandyǵy boıynsha kólik jáne quqyq gýmanıtarlyq ýnıversıtetin bitirdi, sol jyly Qyrǵyz Respýblıkasynyń Joǵary attestattaý komıssııasynyń sheshimimen oǵan «fılosofııa ǵylymdarynyń kandıdaty»ǵylymı dárejesi berildi. 2022 jyly Ulttyq qorǵanys ýnıversıtetiniń Bas shtab fakýltetin bitirdi.
Eńbek joly: 1988-2010 jyldary vzvod komandırinen bastap birneshe áskerı bólimderdiń komandıri laýazymdaryn atqardy. 2010-2017 jyldary Radıoelektronıka jáne baılanys áskerı-ınjenerlik ınstıtýtynyń bastyǵy, 2017-2019 jyldary Áýe qorǵanysy kúshteri Bas qolbasshysynyń (tárbıe jáne ıdeologııalyq jumys boıynsha) orynbasary — bas basqarmasynyń bastyǵy, 2019-2023 jyldary QR Qarýly Kúshteri Áýe shabýylyna qarsy qorǵanys áskerleriniń qolbasshysy, 2023-2025 jyldary Bas shtab bastyǵy — Áýe qorǵanysy kúshteri Bas qolbasshysynyń birinshi orynbasary qyzmetinde boldy.
2025 jylǵy maýsymda Memleket basshysynyń ókimimen QR Qorǵanys mınıstriniń orynbasary — Qarýly Kúshteri Áýe qorǵanysy kúshteriniń bas qolbasshysy bolyp taǵaıyndaldy
II dárejeli «Aıbyn», «Jaýyngerlik erligi úshin» ordenderimen jáne mereıtoılyq medaldarmen marapattalǵan.
49 jyl buryn (1977) Qaraǵandy oblysynyń bilim sapasyn qamtamasyz etý departamentiniń basshysy bolyp Sanat Qabıdenuly MÝSIN dúnıege keldi.
Qaraǵandy oblysynda týǵan. 2003 jyly E.A.Bóketov atyndaǵy Qaraǵandy memlekettik ýnıversıtetin «quqyqtaný» mamandyǵy boıynsha aıaqtaǵan.
Ár jyldary atqarýshy bılik organdarynda túrli laýazymdardy atqarǵan. 2003 jyldan bastap sot oryndaýshylyǵy, quqyqtyq qamtamasyz etý jáne ákimshilik basqarý baǵyttarynda qyzmet etti.
2012 jyldan beri onyń kásibı qyzmeti QR Bilim jáne ǵylym mınıstrligimen baılanysty. Qaraǵandy oblysynyń bilim salasyndaǵy baqylaý departamentinde ákimshilik jáne qarjylyq jumys bólimin, keıin bilim berý qyzmetin lıtsenzııalaý bólimin basqardy. Sondaı-aq Qaraǵandy oblysy men Ulytaý oblysynyń bilim sapasyn qamtamasyz etý departamentterin basqardy.
Qazirgi laýazymyn 2025 jyldyń shilde aıynan beri atqaryp keledi.
43 jyl buryn (1983) Ahmet Baıtursynuly atyndaǵy Qostanaı óńirlik ýnıversıteti dırektorlar keńesiniń tóraǵasy Danat Esboluly JÝMIN dúnıege keldi.
Qostanaı oblysynda týǵan. 2006 jyly L. N. Gýmılev atyndaǵy Evrazııa ulttyq ýnıversıtetin «saıasattanýshy», 2009 jyly AQSh Montana ýnıversıtetin «memlekettik basqarý magıstri» mamandyǵy jáne 2017 jyly AQSh Garvard bıznes mektebin joǵary basshylardy daıarlaý baǵdarlamasy boıynsha bitirgen.
Eńbek joly: 2003-2007 jyldary Qazaqstan jastar kongresiniń atqarýshy dırektory, 2009-2011 jyldary QR Prezıdenti janyndaǵy memlekettik basqarý akademııasynyń dıplomatııa ınstıtýty rektorynyń keńesshisi, dırektordyń orynbasary, 2011-2013 jyldary Astana qalasyndaǵy «Apex Consult» JShS bas dırektory, 2013-2014 jyldary «Báıterek» Ulttyq basqarýshy holdıngi» AQ hatshylyǵynyń basshysy, basqarma tóraǵasynyń keńesshisi, 2014-2016 jyldary «Qazaqstan 2050» jalpyulttyq qozǵalysy keńesiniń tóraǵasy, 2016-2017 jyldary Shymkent qalasy ákiminiń shtattan tys keńesshisi qyzmetin atqarǵan. 2017-2018 jyldary «Nur Otan» partııasy ortalyq apparatynda saıası jumystar departamentiniń dırektory, 2018-2019 jyldary Shymkent qalasy ákiminiń orynbasary, 2019-2021 jyldary QR Premer-Mınıstri Keńsesi basshysynyń orynbasary, 2021-2022 jyldary Kreatıvti ındýstrııalardy damytý jónindegi jobalyq keńseniń basshysy, 2022 jyly Barakat Partners seriktesi, QR premer-mınıstriniń kreatıvti ekonomıka jónindegi shtattan tys keńesshisi laýazymyn atqarǵan.
Qazirgi qyzmetin 2024 jyldyń aqpanynan bastap atqaryp keledi.
42 jyl buryn (1984) Qazaqstan Respýblıkasynyń Mádenıet jáne aqparat vıtse-mınıstri Rýstam ÁLI dúnıege keldi.
Almaty oblysynda týǵan. Ál-Farabı atyndaǵy Qazaq ulttyq ýnıversıtetin, І. Jansúgirov atyndaǵy Jetisý memlekettik ýnıversıtetin bitirgen.
Eńbek jolyn 2006 jyly «Delovaıa nedelıa» gazetinde tilshi bolyp bastaǵan. 2006-2011 jyldary «Delovaıa nedelıa» gazetinde tilshi, redaktor, bas redaktordyń orynbasary, 2011-2012 jyldary «Jetisý jastary» jastar ortalyǵy» MKQK dırektory, 2012 jyly Almaty oblysy jastar saıasaty ortalyǵynyń dırektory, 2012 jyly Almaty oblysy Qaınarly aýyldyq okrýginiń ákimi, 2012-2016 jyldary Almaty oblysy jastar saıasaty máseleleri basqarmasynyń bastyǵy, basshysy, 2016-2020 jyldary Almaty oblysy ishki saıasat basqarmasynyń basshysy bolyp jumys istedi. 2020-2021 jyldary Almaty oblysy ákiminiń orynbasary, 2021-2022 jyldary Almaty oblysy Eskeldi aýdanynyń ákimi, 2022-2024 jyldary Jetisý oblysy ákiminiń orynbasary, 2024-2026 jyldary QR Mádenıet jáne aqparat mınıstrliginiń Arhıv, qujattama jáne kitap isi komıtetiniń tóraǵasy qyzmetin atqarǵan.
2026 jyldyń naýryz aıynan bastap qazirgi qyzmetinde.
«Qazaqstan Konstıtýtsııasyna 20 jyl» (2015), «Qazaqstan Respýblıkasynyń táýelsizdigine 25 jyl» (2016), «Eren eńbegi úshin» (2018), «Qazaqstan máslıhatyna 25 jyl» (2019) medaldarymen marapattalǵan.