14 sáýir. Qazaqstandaǵy mańyzdy oqıǵalarǵa sholý
ASTANA. QazAqparat - Senbi - 14 sáýir kúni Astana men Almaty qalalarynda birqatar sharalar ótedi. Oblystarda da mańyzdy oqıǵalar bolady, dep xabarlaıdy QazAqparat tilshisi.
ASTANA
9.00-da Qazaq memlekettik zań ýnıversıtetinde quqyqtanýdan joǵary oqý oryndary arasyndaǵy respýblıkalyq olımpıada bastalady.
11.00-de Nazarbaev Ýnıversıtetiniń texnoparkinde "TOM: Kazakhstan: ABC Makeathon - PreTOM" meıkatonynyń alǵashqy kezeńi ótedi. Atalǵan shara barysynda meıkerler múmkindigi shekteýli adamdardyń ómirin jeńildetý boıynsha óz sheshimderin usynatyn bolady.
ALMATY
10:00-de Ortalyq Azııa boıynsha tuńǵysh ret Maker Faire festıvali bastalady. Shara uıymdastyrýshylary - American Space Almaty men AQSh-tyń Almatydaǵy Bas konsýldyǵy.
20.00-de Qýyrshaqtar teatry "Naýryzdyń sıqyrly keshi" atty merekelik shoý uıymdastyrady. Rejısser - Anton Zaıtsev. Qoıylym "Myń bir tún" ertegisiniń jelisi boıynsha saxnalanady.
PAVLODAR OBLYSY
14:00-de "Jappaı dıktant" atty xalyqaralyq bilim berý aktsııasy ótedi. Atalǵan shara bir ýaqytta bes jerde - Pavlodar memlekettik pedagogıkalyq ýnıversıtetinde, Eýrazııalyq ınnovatsııalyq ýnıversıtette, oblystyq kitapxanada, №9 jáne № 40 mektepterde bastalady.
OŃTÚSTІK QAZAQSTAN OBLYSY
14:00-de «Ońtústik» aımaqtyq ınvestıtsııalyq ortalyǵy jáne «Geneva Business School» álemdik bıznes, basqarý jáne qarjy kóshbasshylaryn daıyndaıtyn shveıtsarııalyq ýnıversıtetimen birlese otyryp, «Rixos Khadisha Shymkent» qonaq úıinde «Invest Day» master klassyn uıymdastyrady. Master klasta ınvestıtsııalardy tartý protsesi, onyń kózderi men túrleri, ınvestorlardyń jobalarǵa qoıylatyn talaptary boıynsha ózekti taqyryptar talqylanatyn bolady.
MAŃǴYSTAÝ OBLYSY
11.30-da Abaı atyndaǵy mádenıet saraıynyń úlken zalynda oblys ákiminiń qatysýymen Aqtaý qalasyn keńeıtý máseleleri boıynsha keńeıtilgen jınalys bastalady.
