14 óńirde aýa raıyna baılanysty daýyldy eskertý jarııalandy

ASTANA. KAZINFORM — «Qazgıdromet» RMK 2025 jyldyń 28 qazanyna qaraı Astana men Qazaqstannyń 14 óńirinde aýa raıyna baılanysty daýyldy eskertý jarııalady.

Astanada túnde jáne tańerteń tuman túsedi.

Aqmola oblysynyń batysynda, soltústiginde jáne shyǵysynda túnde jáne tańerteń tuman bolady. Oblystyń ońtústik-batysynda órt qaýpi joǵary deńgeıde saqtalady.

Qyzylorda oblysynda erekshe joǵary órt qaýpi saqtalady, al oblystyń soltústigi men ortalyǵynda joǵary órt qaýpi kútiledi.

Qyzylorda qalasynda da órt qaýpi joǵary deńgeıde bolady.

Jambyl oblysynda tańerteń jáne kúndiz batysta, ońtústikte jáne taýly aýdandarda naızaǵaı bolady. Taýly aımaqtarda jeldiń ekpini 20 m/s deıin jetýi múmkin. Oblystyń batysy men soltústiginde erekshe joǵary, al ortalyǵy men ońtústiginde joǵary órt qaýpi saqtalady.

Tarazda tańerteń jáne kúndiz naızaǵaı, sondaı-aq joǵary órt qaýpi boljanyp otyr.

Mańǵystaý oblysynyń batysynda, ońtústiginde jáne ortalyǵynda túnde jáne tańerteń tuman bolady. Oblystyń batysy, soltústik-shyǵysy jáne ońtústiginde joǵary órt qaýpi saqtalady.
Aqtaýda túnde jáne tańerteń tuman bolady.

Túrkistan oblysynyń ońtústiginde jáne taýly aýdandarynda tańerteń jáne kúndiz naızaǵaı boljanady. Taýly aımaqtarda jeldiń kúshi 20 m/s deıin jetýi múmkin.