14 oblysta aýa raıyna baılanysty eskertý jarııalandy

ASTANA.KAZINFORM — 10 qańtar kúni Qazaqstannyń 14 oblysynda qolaısyz aýa raıyna baılanysty eskertý jarııalandy. 

Mańǵystaý oblysynyń batysynda kóktaıǵaq bolady. Oblystyń batysynda, ońtústiginde jáne ortalyǵynda tuman túsedi. Jel ońtústik-shyǵystan soltústik-batysqa aýysyp, batysynda, ońtústiginde jáne ortalyǵynda sekýndyna 15–20 metrge deıin kúsheıedi.

Atyraý oblysynda kóktaıǵaq boljanady. Jel ońtústik-shyǵystan soltústik-batysqa aýysyp, oblystyń ońtústigi men shyǵysynda ekpini 15–20 m/s jetedi. 

Aqtóbe oblysynyń batysynda, soltústiginde jáne ortalyǵynda kóktaıǵaq, soltústiginde, shyǵysynda jáne ortalyǵynda tuman kútiledi. Kúndiz ortalyq bóliginde jeldiń ekpini 15–18 m/s. 

Batys Qazaqstan oblysynda túnde qar, jaıaý burqasyn, kóktaıǵaq bolady. Oblystyń batysynda, soltústiginde jáne ońtústiginde tuman túsedi. Jel ońtústik-shyǵystan ońtústik-batysqa aýysyp, batysynda, ońtústiginde jáne shyǵysynda ekpini 15–20 m/s bolady. 

Túrkistan oblysynyń batysynda, soltústiginde, ońtústiginde jáne taýly aýdandarynda tuman kútiledi. Taýly aýdandarda jeldiń ekpini 15–20 m/s. Shymkentte jáne Túrkistanda tuman bolady.

Qaraǵandy oblysynyń soltústiginde jáne shyǵysynda tuman bolady.

Qostanaı oblysynyń batysynda, soltústiginde jáne ońtústiginde tuman bolady. 

Abaı oblysynyń soltústigi men ortalyǵynda jaıaý burqasyn boljanady. Túnde jáne tańerteń oblystyń ońtústiginde tuman túsedi. Jel ońtústik-shyǵystan soǵyp, soltústigi men ortalyǵynda 15–20 m/s, Jarma aýdanynda ekpini 25 m/s deıin jetedi.

Shyǵys Qazaqstan oblysynyń soltústigi men ońtústik-shyǵysynda jaıaý burqasyn bolady. Túnde jáne tańerteń oblystyń ońtústiginde tuman kútiledi. Jel shyǵys jáne ońtústik-shyǵystan soǵyp, soltústigi men ońtústik-shyǵysynda ekpini 15–20 m/s. 

Ulytaý oblysynyń soltústigi men shyǵysynda tuman bolady. Túnde oblystyń soltústiginde jeldiń ekpini 15–20 m/s jetedi.

Soltústik Qazaqstan oblysynyń batysynda, soltústiginde jáne ońtústiginde tuman kútiledi. Jel túnde oblystyń ońtústigi men shyǵysynda ońtústik-batystan soǵyp, ekpini 15–20 m/s.

Pavlodar oblysynyń soltústigi men shyǵysynda tuman kútiledi.

Qyzylorda oblysynyń batysynda jáne ortalyǵynda kúndiz kóktaıǵaq bolady. Soltústigi men ortalyǵynda tuman kútiledi. 

Jambyl oblysynda 10–11 qańtar kúnderi soltústiginde, ońtústiginde jáne taýly aýdandarynda tuman men kóktaıǵaq kútiledi. Jel ońtústik-shyǵystan ońtústik-batysqa aýysyp, 10 qańtarda taýly aýdandarda, 11 qańtarda oblystyń ońtústik-batysynda, soltústik-shyǵysynda jáne taýly aýdandarynda ekpini 15–20 m/s bolady. 

Aıta ketelik demalysta kún raıy qandaı bolatynyn jazǵan edik.